Bakearen bidean nasai!

Atalak: (C)politika

Ni ere banoa!, adierazi zuen Bake Bideak, baita jende nasaia eta lasaia Baionara joan ere. Hona ezaugarri zenbait:
– 8.000 lagun egon ziren, antolatzaileen arabera.
– Azken urteotako manifestaziorik nasaiena izan zen.
– Frantziako eta Espainiako estatuek euskal preso eta iheslari politikoei ezarritako salbuespenak deuseztatzea eskatu zuten bertaratuek.
– Ipar Euskal Herriko alderdi guztietako ordezkariren bat izan zen, Fronte Nazionalena salbu.
– Iparraldeko hautetsien gehiengoak (200 inguru) bake prozesuaren aldeko sostengua adierazi du, horien artean goi-mailako politikan ari diren diputatuak eta senatari bat (PSkoak)
– Manifestazioaren buruan, Herrira mugimenduaren ildoan, presoen eta iheslarien lagunek eta senideek euren argazkiak eraman zituzten. Ibon Fernandez Iradi izena entzun zen bereziki, bere osasun egoera gaitza dela eta.
– Iragan hamarkadeetan espetxeetan zein erbestean izandako  preso eta iheslari asko bertan zeuden. Hau da, urterik urte argazkien kopurua beheititzen ari da kopuruz.
– Ondorioz, barruan/ihesean dauden eta askatzen diren arteko proportzioa orekatzen ari da.
– Egiari zor, asko falta da bake prozesua bururaino eramateko, baina hamaika dira Bake Prozesuan engaiatu herritarrak, hautetsiak , erakundeak eta elkarteak.
– Egiari Zor fundazioaren lema jarraituz, “Apur dezagun egoera hau behingoz!”

Baionako karriketan atzo milaka lagunek ibili zuten bidea duzu ikusgai:

Hautetsiak abiaburuan, Laugan.

Hautetsien aitzinetik preso eta iheslarien lagunak.

Herria mugimenduko kideak buruan buru, zubi pean iraganda.

Herriko elkarte eta taldeetako kideak eta militanteak Herriko Etxearen aitzinean.

Manifestazio burua helmugan, Baiona tipian.

Hautetsiak… eta herritarrak

Herritarrak eta hautetsiak.