Saturrarango…

2010-11-11  //  (E)gizartea  //  Iruzkinik ez

Izarren argia. Zuzendaria: Mikel Rueda.

Saturrarango tragedia oroitzeko itsasargi luzea.
Mikel Ruedaren Izarren argia filmaz ari nauzu.
Memoria historikoen auziak legetxe, berant heldu naiz abar hauek galtzarbean hartuta. Filma Zinemaldian estreinatu baitzen eta ni baino lankide bixkorragoek eman dute honen berri Argia.com-en dagoeneko.

Izarren argia irismen luzeko filma delakoan nago baina! Merezi duela goratik aipatzeak, horra. Merezi dute frankismo ankerreko biktimek, eta areago –hala posible balitz– Saturrarango presondegiko biktimak emakumeak eta euren seme-alabak izaki.

Merezi du historiako tragediak oroitzeak, berriz ere errepika ez daitezen. Baina, oraingoan merezi duena Mikel Rueda zinegilearen filma da. Duina delako. Gogoratzeak merezi du, baina gogoa pizten duena lan duina –eta argia– denean, memoriak eskertzen du.

Euskaraz –film batean– inoiz ikusitako interpretazio onenak iruditu zitzaizkidan emakume preso eta moja borreroenak. Gizonenak ere bai, baina oraingoan emakumeak dira protagonista.

Behingoz, euskararen tratamendu egokiari esker, hizkuntza ez zen traba izan nire gogoan.

Omen, diotenez, lana artea bada, ezin zara pertsona bera izan berau “dastatu” aurretik eta  ostean.

Horrela atera ginen aretotik filma elkarrekin ikusi genuen hiru lagunok:

–Bikaina– esan zuen batek.

–Erritmoa hobetu liteke –beste batek.

–Protagonista nagusiaren semeak, Raulek, bizkar eman diezaioke bere amari?– hirugarrenak.

Eztabaida piztu zen.

Eztabaida ona da memoria lantzeko. Eztabaida ona da lana eta artea hobetzeko. Mikel Ruedak langa oso goian ipini du, izarren argiaren mailan ipini ere.

Lasai tokayo, unibertsoa infinitua duk-eta!

[ARGIAren 2.253. zenbakian argitaratzekoa]

Hendaia

2010-11-08  //  (C)politika, (E)gizartea, Natura  //  3 iruzkin

Hendaiako Tonbak

“Hendaiako auzapezarekin solastatu naiz” edo “alkatea elkarrizketatu dut”.
Zeregin bera azaltzeko bi adierazpide kazetaritzan. (gehiago…)

Mundu birtualean

2010-11-03  //  Hedabideak, Zientzia eta teknologia  //  Iruzkinik ez

Teklatu birtuala

Gero eta mundu birtualagoan bizi gara. Gure bizi ingurua gero eta arraroagoa bilakatu dela nioen aurreko orrian. Argiako  Iritziaren saileko edo salako lehiotik begiraturik bederen.

(gehiago…)

Hilen egunean

2010-11-01  //  (E)gizartea, Natura  //  Iruzkinik ez

Albiku Trikuarri 1. Egilea, Elena Asíns

Hilak Argia-n, alegia. Iritziaren leihoa sailaren arduraduna izaki, lagun –eta kolaboratzaile– askorekin harremana “landu” dut azken urteotan.

Gaur, Hilen egunean, joandako kolaboratzaile eta lagun horiek ditut gogoan. (gehiago…)

Mirari eta misterio

2010-10-25  //  (C)politika, Historia  //  Iruzkinik ez

ETAko kideak eta anagrama

Mirari eta misterio. Horra ETA izendatzeko bi termino.

Frankismo garaian, bi hamarkadetan (1958-1978), ETA miraria izan zen. Euskal Herriak herri jarrai ahal izateko miraria.
Azken bi hamarkadetan (1998-2010) ETA misterioa da. (gehiago…)

Hispanitatearen eguna eta bi ezpainak

2010-10-11  //  (C)politika, Historia  //  Iruzkinik ez

Espainiako Juan Carlos Erregea eta Gobernuko presidente Jose Luis R. Zapatero

Hispanitatearen eguna edo Fiesta Nacional de España. Arrazaren eguna iraganean. Amerikaren aurkikuntzaren eta Espainiar Inperioaren sorrera eguna.

Espainia inperioaren eta kolonialismoaren “lurraldea”. Errege absolutisten, konkistatzaileen eta diktadoreen “ondarea”. XX.garren mendeko monarken eta errepublikarren bi ezpainen “sehaska”.

Goiko ezpainaren (monarkikoak) eta beheko ezpainaren (errepublikarrak) bitasuna da egungo Espainia (*).

Goiko ezpainak nahiz beheko ezpainak mihia estutzen didate. Euskal Herriaz mintzo naiz eta bi ezpainek min egiten didate mihian. Nire mintzoak minduta dauka mihia.

Berrogeita hamar urteko diktaduraren eta hogeita hamar urteko trantsizio demokratikoaren ondoren, oraindik ere, demokrazia homologatuaren bila dabil Espainiako “sasi-demokrazia”.

XXI. mendera iritsita, eman diezaiegun aukera bat sasi-demokratei, eta bidenabar, Euskal Herria demokratikoa nahi omen dugunok ikas dezagun apur bat ere demokraziaz.

Alfonso XIII de Borbon

(*) Espainiako egungo erregearen Alfonso XIII de Borbón aitonari gertatutako pasadizoa omen da hau:
Behinola, politikari batek eskua eman zion erregeari, baita “ni errepublikarra naiz” ohartarazi ere.
– Ni ere bai, errege ez banintz” borbondarren arrapostua.

Horratx bi Espainiak!

Jonan Fernandez eta negoziazioa

2010-10-07  //  (C)politika, Hezkuntza  //  Iruzkinik ez

Jonan Fernandez, Baketik zentroko zuzendaria

Lurraldea, Elkarri, Lokarri eta Baketik. Horra lau mugarri Jonan Fernandez tolosarraren ibilbidean.
Hendaiatik Arantzazurainoko bide egin nuen orain pare bat aste. Jonan Fernandezen Pertsona izaten hezi liburuko ikaskuntzak barneratuak neramatzan.  (gehiago…)

Maddi Zubeldia

2010-09-27  //  (D)kulturgintza  //  Iruzkinik ez

Maddi Zubeldia ziburutarra

“Maddi Zubeldia kantari ari da han-hemenka!” esan genion elkarri. Bere alabak abesten zuela entzuna genuen, baita Maddik berak senarra eta seme-alabekin lagun artean abesten zuela ere. Baina bakarlari! Hori ustekabea! Maddi, Seaskan andereño. Nahia eta Ibaiaren ama. Gure seme-alabei “Pintxo pintxo gure txakurra da ta” goxo-goxo abesten ziena, jende aurrean kantari. Zein ausarta Maddi! (gehiago…)

Joxe Arregiri gutuna

2010-09-13  //  (E)gizartea, Erlijioa  //  Iruzkinik ez

Arantzazutik mundura doan enara

Kaixo Joxe, zer gisa? Ondo desio!

Joxe, nire pentsamenduetan leku egin duzu azken asteotan. Fraide frantziskotarraren ibilbidean hartu duzun erabakiaren berri izan dut Berrian lehenik eta Euskadi Irratian berrikiago. (gehiago…)

ETAren azken (aurreko) agiria

2010-09-05  //  (C)politika  //  Iruzkinik ez

ETAren azkeneko agiriaren zain ginen aspaldion, eta iritsi da, antza, ETAren azken-aurreko agirietako bat.

Ni neu, hondartzan egongo nintzelakoan, bazkaria etxean prestatzen harrapatu nau agiriak.  Gainerako zortzi bazkaltiarrek –eta euskal herritarrek– ez dute agiriaren berririk orainokoan izan. Urrun daude, alegia. ETAren agiri bat dela-eta, mahaia utzi behar dudala erran diet: “Lankide batek deitu dit, agiri berriaren gainean zerbait idatz dezadan”.
Berriak ez ditu aztoratu bazkaltiarrak. Ez dira euskal herritar guztiak, baina adibideak balio dezake laginerako. (gehiago…)