Dantza boteretsua

2019-06-11  //  musika kritika  //  Iruzkinik ez

Fitxa: Ballett Theater Basel. Hofesh Shechter, Jiri Pokorný eta Bryan Arias-en koreografiak. Lekua: Bilboko Arriaga Antzokia. Data: maiatzaren 25a. (gehiago…)

Denboraldiaren amaiera gustagarria

2019-06-10  //  musika kritika  //  Iruzkinik ez

Fitxa: OLBE-k antolatutako Bizet-en ‘Les pêcheurs de perles’ opera. Bilbao Orkestra Sinfonikoa. Zuzendaria: Francesco Ivan Ciampa. Bilboko Operaren Abesbatza. Zuzendaria: Boris Dujin. Bakarlariak: Javier Camarena (tenorea), Maria Jose Moreno (sopranoa), Lucas Meachem (baritonoa), Felipe Bou (baxua). Lekua: Euskalduna Jauregia. Data: maiatzaren 24a). (gehiago…)

Finezza

2019-04-11  //  musika kritika  //  Iruzkinik ez

Fitxa: Concertgebouw Chamber Orchestra. Kontzertinoa eta zuzendaria: Michael Waterman. Bakarlaria: Ben Kim (pianoa). Egitaraua: Webern, Mozar, van Bree eta Dvorak-en obrak. Lekua: Donostiako Kursaal Auditorioa. Data: apirilaren 7a. (gehiago…)

Soinu-joku izoztua

2019-03-01  //  musika kritika  //  Iruzkinik ez

Fitxa: Euskadiko Orkestra Sinfonikoa. Zuzendaria: Mélanie Levy-Thiébaut. Egitaraua: Bach, Stravinsky, Otaolea eta Sibelius-en lanak. Lekua: Gasteizko Principal Antzokia. Data: otsailaren 22a. (gehiago…)

Aparteko dotorezia

2019-02-21  //  musika kritika  //  Iruzkinik ez

Fitxa: OLBE-k antolatutako Rossini-ren ‘Semiramide’ opera. Bilbao Orkestra Sinfonikoa. Zuzendaria: Alessandro Vitiello. Bilboko Operaren Abesbatza. Zuzendaria: Boris Dujin. Bakarlariak: Daniela Barcellona, Simón Orfila, José Luis Sola, Richard Wiegold, Itziar de Unda, Josep Fadó eta David Sánchez. Eszena zuzendaria Luca Ronconi. Eszenografia. Tiziano Santi. Lekua: Euskalduna Jauregia. Data: otsailaren 16a. (gehiago…)

Gutizi errusiarrak

2019-02-05  //  musika kritika  //  Iruzkinik ez

Fitxa: Gaztela eta Leongo Orkestra Sinfonikoa. Zuzendaria: Andrew Gourlay. Bakarlaria: Alexander Romanovsky (piano). Egitaraua: Fernández Ezquerra, Prokofiev, Debussy eta Scriabin-en obrak. Lekua: Euskalduna Jauregia. Data: urtarrilaren 10a. (gehiago…)

Mesia, urteroko tradizioa

2018-12-28  //  musika kritika  //  Iruzkinik ez

Fitxa: Excelentia Fundazioa-k antolatutako Händel-en ‘Mesia’. Santa Zezilia Orkestra Klasikoa. Donostiako Orfeoia. Zuzendaria: José Antonio Sainz Alfaro. Bakarlariak: Víctor Sordo (tenorea), María Hinojosa (sopranoa), Pau Bordás (baritonoa), Marta Infante (mezzoa). Lekua: Kursaal Auditorioa. Data: abenduaren 22a. (gehiago…)

Gabon musikalak

2018-12-12  //  Sailkatugabeak  //  Iruzkinik ez

Gertu-gertu ditugu batzuek maitatu eta beste batzuek gorrotatzen dituzten Gabonak. Halere, talde batean edo bestean egon, Gabonetako izpirituak edo giroak, besterik gabe, bildu egiten gaitu eta oso zaila da faltsua den batzuetan alaitasun horretatik eta batez ere kontsumismotik ihes egitea. Famili- bazkariak, lagunen arteko afariak, zentzugabeko erosketak… ematen du ezin dela besterik egin. Horrexegatik proposatu nahi dizuet beste jarduera bat: musika ona entzutea. Zorionez, Gabonetako erokeriaren erdian, badugu eskaintza musikal polita gure herri eta hiriburetan. Proposamen batzuk azaldu nahi ditut lerro hauetan, ea animatzen zareten!!

Ikusiko duzue mamitsua dela nire hautaketa. Donostiarekin hasiko naiz. Abenduaren 16an Bach-en ‘Gabonetako Oratorioa’ entzuteko aukera izango dugu Kursaal Auditorioan. Garai honetan interpretatzeko konposatu zuen Bach-ek lan eder hau, eta aldi honetan hain ospe ona duten Le Concert Lorrain musika taldeak eta Dresdener Kammerchor abesbatzak eskainiko digute. Bestalde, beste hitzordu xarmangarri bat dugu 22an Kursaal-en bertan. Donostiako Orfeoiak eta Santa Cecilia Orkestra Klasikoak Händel-en ‘Mesia’ interpretatuko dute. Baldin badago Gabonetako lan adierazgarri bat, obra hau da. Ez galdu, mesedez.

Bilbon ere, badago zer entzun. Hona hemen nire aukera: Bilbao Orkestra Sinfonikoak Mahler-en ‘3. Sinfonia’ eskainiko du abenduaren 20an eta 21ean, zoragarria. Eta, tira, proposamen ‘kitsch’ bat, zergatik ez: Urte berriaren kontzertua, Euskalduna Jauregian, Johann Strauss-en bals eta polka ederrekin. Viena-n baino hobeto, ziur.

Eta amaitzeko, iradokizun pare bat Gasteizen disfrutatzeko. Hain gustagarria den Txaikokvsky-ren ‘Intxaur-hauskailua’ izeneko balleta, XXI. Mendeko ballet klasiko izeneko talde errusiarraren eskutik, abenduaren 17an, eta, urtarrilaren 4ean, Euskal Herriko Gazte Orkestrak, bere urteroko zikloan, John Rutter-en egitarau interesgarri bat proposatzen du. Gure gazteak Bilbon (urtarrilaren 5ean) ere arituko dira. Musikaz gozatu, ba.

Erupzio txikia

2018-12-03  //  musika kritika  //  Iruzkinik ez

Fitxa: Euskadiko Orkestra Sinfonikoa. Zuzendaria: Robert Treviño. Bakarlaria: Stephen Hough (pianoa). Egitaraua: Hough, Dvorak eta Elgar-en lanak. Lekua: Gasteizko Principal Antzokia. Data: azaroaren 26a. (gehiago…)

Liluragarria

2018-11-30  //  musika kritika  //  Iruzkinik ez

Fitxa: Piotz Beczala, tenorea. Helmut Deutsch, pianoa. Egitaraua: Donaudy, Wolf-Ferrari, Respighi, Tosti, Karlowicz, Bizet, Massenet, Verdi eta Puccini-ren obrak. Lekua: Kursaal Auditorioa. Data: azaroaren 27a.

Badaude hainbat abeslari publikoak aski ezagutzen dituenak, marketing kanpaina izugarriak baituzte atzetik. Beste batzuk, ordea, ez dira hain ezagunak, ez dira agertzen publizitatean, telebistako saioetan edo aldizkarietan, baina taula gainean dauden bakoitzean badakite publikoa txunditzen. Hauxe da Piotr Beczala tenore poloniarraren kasua. Munduko tenore onenetako bat da, eta hori agerian geratu zen Kursaal Auditorioan emandako errezitaldian. Benetako plazerra, aitzakiarik gabe. Hasieratik bukaeraraino gustua, profesionaltasuna, teknika oparoa eta tentsio eta emozioa parra-parra bota zituen Beczalak.
Estilo askotariko piezak eskaini zituen, eta estilo guztietan bikain, bikain aritu zen. Hasteko, saioaren lehenengo zatian pieza italiarren sorta bat abestu zituen, dotoreziaz. Stefano Donaudy-ren hiru piezetan sumatu genuen zein ongi kolokatzen duen ahotsa fiato ederra egiteko, eta zein fraseatze malgua duen.
Aipagarriak izan ziren baita ere Respighi-ren sei abestien interpretazioak. Kanta bakoitzak izan zuen behar duen ñabardura, eta oso adierazkorrak iritsi zitzaizkigun. Gauza bera esan dezakegu Tosti-ren piezei buruz, perfektuak atera baitziren.
Baina benetako luxua bigarren zatian iritsi zen. Mieczyslaw Karlowicz konpositore poloniarra ustekabe atsegina izan zen guztiontzat. Ez genuen espero hain musikala izatea polonieraren ahoskera. Kontutan hartu behar da, noski, Beczala-ren ama-hizkuntza dela eta horregatik, interpretatu zituen konpositore honen zortzi abestiak gozotasunez eta zentzu osoz atera ziren.
Bigarren zatiaren azkeneko txanpan aria ezagun eta zailak abestu zituen tenoreak, eta bai frogatu zituen bere koalitate apartak. Egungo tenore liriko zoragarrienetako baten aurrean aurkitzen gara, dudarik gabe.
‘Carmen’ operaren Lorearen aria-k harrituta utzi gintuen, hain sentitua abestu baitzuen. Massenet-en ‘Werther’ –eko Pourquoi me réveiller piezan perfektuki islatu zituen opera horren pertsonaiak bizi zituen emozio guztiak eta Puccini-ren ‘Tosca’ operaren Recondita armonia eta batez ere E lucevan le stelle arietan zur eta lur utzi zituen entzuleak, emozioa transmititzeko kapazidade izugarria eta ahots eder eta fraseaketa perfektukoa baititu bakarlariak.
Destakatu nahi dut Helmut Deutsch piano jolearen lan akatsgabea. Ez da erraza abeslari bat laguntzea, ahotsa delikadeziaz azpimarratzea, estali gabe, eta aldi berean atmosfera egokia sortzea. Deutsch jaunak hori guztia lortu zuen uneoro.

2009. urtean entzun genuen Piotr Beczala OLBE-n Fausto-ren rolean. Lehen bait lehen entzun eta ikustea gustatuko litzaiguke beste opera batean. Ea posible den.