Atxikimenduzko hazierari kritikak

Atalak: Aitatasuna, Amatasuna, Atxikimendua, Edoskitze naturala, Ohea partekatzea, Soinean eramatea

Gehiengoak haurrak hezteko duen modua ez den beste batean gauzak egiten badituzu, kritika asko entzun beharko dituzu (eta batia astakeria asko ere). Hemen, egunerokoan, edo nahiko maiz entzun ditzakezun (eta guri esan dizkiguten) gutxi batzuk besterik ez dituzu topatuko.

Horrelakoei aurre egiteko gomendiorik onena: inori ez kasurik egitea. Zuk (edo zuek) sentitzen duzuena egin, eta funtzionatzen badu, horrekin jarraitzea. Eta gogoko ez duenari, musu bat bidali, maitasunak hitz itsusiek baina eragin handiagoa du eta:

1- Horrela eramanda ito egingo da. (Soinean daramazunean)

Haurra soinean daramazunean gauza oso bitxia gertatzen da. Ia mundu guztiak egiten dizu keinuren bat: batzuek irribarre positiboa eta besteek sekulako gorroto begirada.

Ez soinean daramazunean, ondo badaramazu (motxila edo zapi ergonomikoan, eta ondo jarrita) ez da itoko. Ez. Beretzat hobea da soinean eramatea.

2- Bularra luzaroan emateak bizioa sortuko dio.

Noski ezetz. Bularra uztea haurra eta amaren erabakia izan behar da eta kitto.

3- Gurasoekin lo egitea oso oso txarra da.

Ez. Beretzat, eta zuretzat, oso osasungarria izan daiteke.

Horiek izango dira sarrien kritikatuko diren gaiak: soinean eramatea, bularra eta ohe-partekatzea. Hiru gaiez, zabalago idatzi dut blogean, beraz informazioa behar duenak badaki, blogean saltsa-maltsan ibiltzeko tarte bat hartzea besterik ez du.

Eta orain, guk zuzenean entzundako astakeriarik handienak (behintzat orain gogoan ditudanak):

– Neguan ezin zaio titia eman, esnea izozten da eta.

– Haurra motxilan neramala, kalean, emakume bat etorri eta bost euro eman zizkidan. Guztiz harrituta begiratu eta nik ezer esan aurretik “gaixoa, ez daukazu karroa erosteko dirurik= Tori, nik ez daukat gehiago ematerik”. Eta alde egin zuen. Zur eta lur. Semearen itxulapikora joan zen diru hori, eta ni barrez lehertzen etxera.

– Noski, titia emateak ere izango du zerbait ona. (Barkatu????)

Eta zuk? Astakeriarik entzun duzu? Edo esan duzu?