Errinozero naranja

Atalak: Sailkatugabeak

Badakizu zer den errinozero naranjaren erronka? Ikasturtea hastera dagoelarik, erronka polita izan daiteke zuretzat edo zure inguruko norbaiti proposatzeko.

Ama batek hasitako abentura da, eta munduan zehar zabalduz doa. Helburua argia: oihu egiteari uztea.

Lau haurren ama estatubatuarrak hasi zuen erronka, haurrei oihu gehiegi egiten zielaz oharturik bere buruari urte betez oihurik egin gabe egoteko erronka bota zion. Horrela jaio zen errinozero naranja.

Hauek dira erronka honen urratsak:

1- Aldatu behar duzula onartu. Erronkari ekin aurretik, konpromezuak energia handia suposatuko duela onartu.

2- Helburua ezarri. Helburuak ez du zailegia edo errazegia izan. Aste bete, hilabete, urtea edo zure neurrirako helburua ezarri.

3- Helburua ingurukoei azaldu. Babesa izateak indarra emango dizu.

4- Babestuko zaituztenen sarea eraiki. Edonoiz deitu edo idatz diezaiokezun jendea eta indarra emango dizuna, zure haurrak eta sare birtualak osatu dezakete.

5- Oihu egitea sorrarazten dizuten egoerak identifikatu eta aurre hartzeko sistemak pentsatu.

6- Gutxinaka hasi. Haurrei oihu ez egiteak ez du esan nahi oihu egiteari uztea. Bakarrik zaudenean egin dezakezu, edo oihua soinu edo keinuren batekin ordezkatu. Haurrak kontrola ezin ditzakezun arren, zure burua BETI kontrola dezakezu.

7- Oihuak beste soinu edo keinuengatik aldatu dituzunean, gutxinak horiek ere desagertarazten joan. Zure burua kontrola dezakezula ikusiko duzu.

8- Helburua beti argi izan. Horretarako gogoraraziko dizun gauzak erabil ditzakezu. Arropa naranjak, etxean apaingarri naranjak…

9- Oihu egiten baduzu ez etsi. Berriro ekin diezaiokezu erronkari, eta gutxinaka lortuko duzu.

10- Ospatu garaipenak. Oihu egin ez duzun egun edo aldi bakoitza ospakizun txiki batekin hartu, egutegian markatu… ondo egiten ari zarela ikusteak indarra emango dizu.

11- Oihu egitera zoazenean, arnasa hartu, egoera kontrolatu eta lasai jarraitu. Gustatu ez zaizuna adierazi, baina egoera kontrolpean izaten saiatu.

12- Babeserako sarea erabili eta zaindu. Bakarrik ez egoteak indarra emango dizu.

Eta zu, prest zaude oihu egiteari uzteko?