200 euro bularra ematearen truke

Atalak: Berriak, Edoskitze naturala

Sheffieldeko Unibertsitateko adituek 200 euroko erosketa txekeak eskaintzen dituzte haurrari bularra ematearen truke. Baldintza, haurrari bularra ematea gutxienez 6 hilabete betetzen dituen arte.

Amagandiko edoskitze tasak igotzeko helburua eta jendartean amagandiko edoskitzeak dituen onurak zabaltzeko jarri dute ekimen hau martxan. Erosketa txekeak 6 hilabeteetan zehar banatzen joango dira honela: jaiotzetik 2 egunetara bularra ematen duten emakumeei 47 euro inguru, jaiotzetik 10 egunetara jarraitzen dutenei beste 47 euro inguru, jaiotzetik 6 asteetara jarraitzen badute beste 47 euro inguru eta azken biak 3 hilabete eta 6 hilabete betetzean bularra hartzen jarraitzen duten haurren amaei.

Amagandiko edoskitzea betetzen dela ziurtatzeko sendagile zein edoskitze aholkularien bisitak izango dituzte etxean.

Deigarria iruditu zaigu berri hau, batetik ez dugulako uste amagandiko edoskitzea/mistoa/formulazko esnea soilik 200 euroren arabera erabakiko den gaia denik.

Dena den, abantailak bularra emango dutenentzat: biberoi, formulako esne, esterilizatzaile, tetina…-en gasturik ez, eta 200 euro opari.