Botulismoa formulako esnearen bidez

Atalak: Berriak, Edoskitze artifiziala

Zelanda Berriko Fonterra enpresak, munduko esnekien esportatzaile nagusienak, zortzi multinazionalei salduriko haurtxoentzako formulako esnea  kutsaturik egotearen susmoa dutela adierazi du eta enpresa horiek haurtxoentzako formulako esnea merkatutik erretiratzen hasi dira.

Kutsatzea estolderia zikin baten bidez gertatu dela adierazi dute eta esnearen proteina kontzentratua izan da kutsatua suertatu dena.

Oraingoz, produktuak erretiratzen hasi diren enpresak hauek dira: Wahaha Health Food Co., Hangzhou Wahaha Import & Export Co., Shanghai Tangjiu Co.,  Dumex Baby Food Co eta gure artean ezaguna den Danone (Dumez eta Karicare izenez saltzen dituzten produktuekin).

Kezkagarria da oso, multinazionalek produktuak salgai jarri ostean erretiratzea. Zenbaterainoko ondorioak izan diren ez dute azaldu oraindik, eta erretiraturiko produktuak orain arte Zelanda Berria eta Asian izan arren, baliteke herrialde gehiagok ere produktuak erretiratzea.

Kezkagarria oso, haurtxoei arriskua sor dezaketen produktuak hain erraz ematea, kezkagarria produktu horiek hain eskuragarri izatea.

Formulako esnea guztiz beharrezkoa duen munduan bizi gara, ez dut zalantzarik. Gutxinaka arriskuez ohartzen joango den jendartea izango dugulaz ziur nago, baina bitartean, formulako esnea egiten duten multinazionalei kontrol eta higiene handiagoa eskatu behar diegu. Are gehiago, kutsatzea estolderiatik eratorria bada… zein baldintzatan sortzen dira esne horiek?