Texas, 1995.

Atalak: Edoskitze naturala

Gaur Amerikako Estatu Batuetara egingo dut salto, Texasera. Eta denboran ere, salto egingo dut. 1995era hain zuzen. Zergatik? Zoritxarrez, oraindik gutxi baitira edonon bularra ematea babesten duten legeak, baina bai, 1995ean Texas Estatuan bat ezarri zuten. Lege horren arabera, emakumezkoak egotea baimenduta dagoen edozein lekutan bularra emateko eskubidea dago. Hau da, emakumezko bat egon daiteken tokian, bere haurtxoa ere egon daiteke eta bularra har dezake.

Baina zergatik egin dut salto hain urrutira? Tira, 1995. urtetik lege hori badago ere, gaur egun ere, emakumezkoek bertan bularra emateko kanpora atera edo bularra estaltzeko gonbiteak jasotzen eta pairatzen jarraitu behar dutelako.

Beherago dagoen bideoan, Lucy Eades ikusiko duzu bere haurtxo txikiari bularra ematen, alaba zaharrena dantza eskolatik noiz aterako zain dagoen bitartean. Merkatal Gune batean dago, bere bikotearekin, eta bideoan agertzen den langileak kalera irteteko eskatzen dio. Bigarren aldia da langile hau era nahiko erasokorrean kanpora irten edo bularra estaltzeko eskatzera gerturatzen zaiola eta Lucyren senarrak mugikorrarekin grabatzea erabaki du, ondoren salaketa jartzeko.

Gertatua sareratu eta salatu du bikoteak, eta Burlesoneko Udalak familiari babesa eman eta legea gogorarazi du.

Breastfeeding Discrimination

Beharrezkoak dira horrelako legeak. Horrelako legerik bagenu, zer egingo ote zuen Erandioko Udalak igerilekuko aferan?