Irudi ez eredugarriak azken aldian

Atalak: Aitatasuna, Amatasuna, Atxikimendua, Berriak, Soinean eramatea

Sentimendu gazi-gozoz bizitzen ari naiz azken aldian ikusten ari naizen mugimendu bat.

Geroz eta gehiago dira haurra soinean eramaten duten gurasoak, aiton-amonak, izeba-osabak, hezitzaileak… Baina kasurik gehienetan ez oso egoki.

Kontaktuaren garrantzia eta eskuak libre izatearen efektua iritsi da publizitatera eta aldizkarietara.

Eta tamalez, haur horiek ez doaz ondo. Lehenengo irudian fularra ez dago ondo jarrita, bigarrenean haurra motxila ez ergonomiko batean eta kanporantz begira doa. Horrela ez!

Publizitate kanpaina batean, detaile guztiak kontuan hartzen direnean, horrelako hanka sartze bat oso larria iruditzen zait. Haurra ondo eramatea oso garrantzitsua da, bai haurraren osasunereko zein helduarenerako.

Gipuzkoako Aldundiaren kanpaina.

Lehenengo argazkian fularra gaizki jarrita dago eta haurra ez dago ondo.

Bigarrena, Korrikaren inguruko erreportaje batekoa da, eta asko kezkatzen nau. Etxez etxe, eskuz esku ibiliko den irudia baita.

OHARRA: bigarren argazkia kendu dut, haurraren amak eskatuta. Baimenik gabe prentsan agerturiko irudia baitzen.

 Haurrek EZ dute kanporantz begira joan behar, gainestimulazioa ematen da, beraien bizkarra gure gorputzaren formetara egokitzera behartzen dugu… Motxila hori gainera ez da ergonomikoa, haurra genitaletatik zintzilik doa, imajinatzen duzu genitaletatik zintzilik joan eta korrika doanaren kolpeak jasatea?

Haurra soinean eramatea oso garrantzitsua da garapen integral optimoa lortzeko, baina arren, egizu ondo. Bilatu soinean eramatearen inguruan formazioa dugun aholkulariak.

Korrika-n korrika egitera bazoaz, haurra soinean daramazularik, oso poliki joan, eta hobe, haurra bizkarrean duzularik. Eta noski, haur eramaile egokia eta ONDO erabilitakoan!