Urrun egina… eta gu bagina?

2014-06-10  //  Aitatasuna, Amatasuna  //  Iruzkinik ez

Erabat murgildurik nago haurren munduan, haurtxoen munduan. Azken aldian, Txinan jatorria duten motxila ergonomikoak saltzeko eskaintzak jaso ditut, handik datozen pardelen inguruko zalantzak, handik datozen jostailuen inguruko zalantzak… Eta kezkatzen nau.

Ez dira gutxi geroz eta urrunagotik datozen produktuak. Mundu globalizatua aitzaki, prezio merkean lortu nahi dugu guztia, benetan zertan ari garen gehiegi pentsatu gabe. Are gehiago, izan ditzaken ondorioez hausnartu gabe… iristen diren arte, noski.

(gehiago…)

Haurrarekin kateaturik

2014-06-09  //  Amatasuna, Edoskitze naturala, Emozioak  //  Iruzkinik ez

Atzo egun berezia bizi izan genuen askok. Eskuz esku irribarreak, itxaropena eta ilusioa igaro ziren 123km-tan barna. Baina askok, eskuz eskutxora egin genuen bidea. Haur asko ikusi nituen katean, oraina eta etorkizunaren pisua beraien eskuetan. Eta katea burutzea gurasoen, izeba-osaben, aiton-amonen eta gertuko guztien esku.

Ez da erraza katean, ordu erdiz (eta aurrez toki berean bi ordu gehiagoz) egotea. Bi urte betetzera doan haurrarekin egin genuen gure metroa. Tarteka hori bai. Eguzkia gain-gainean genuelarik ez zen erraza geldirik egotea. 58km-an geunden. Zorte izugarria. Bonberenea txaranga, dultzainak, trikitixak, Takolo, Pirritx, Porrotx eta Mari Motots… eta El Salvadorreko bi pertsona, gitarraren laguntzaz goiza arintzen.

(gehiago…)

XX kromosomaren arnasguneak

2014-06-04  //  Sailkatugabeak  //  Iruzkinik ez

Zoritxarrez, parekidetasuna urrun dugu oraindik, eta desberdintasunak bai egunerokotasunean zein berdintasuna gehien babestu behar luketen estamentuetan ere… urrun gaude. Urrun gaude, nire ustez, ez dagoelako interesik, emakumeok gizonen aldamenean eta ez koska bat beherago (edo bi) egoteko.

Zergatik ukatu? Desberdinak gara. Baina eskubide (eta betebehar) berdinak merezi ditugu. Gaurkoan aldiz, desberdintasunari heldu nahi diot. Aspaldi irakurri nuen emakume eta gizonek proiektu bati ekiterako orduan, estatistikoki, arrazoi oso desberdinak adierazten zituztela. Eta nik ere hala uste dut, salbuespenak salbuespen, eta norberak bere arrazoi pertsonalak izango dituela argi izanik, horretan ere motibazio desberdinak ditugu.

Horregatik iruditzen zait Bizziak antolaturiko WomanSarea arnasgune bat. XX kromosoma dugun desberdinok batu eta gure proiektuez, pozez, beldurrez eta oztopoez hitz egiteko arnasgune bat, gure begiradatik eta ahotsetatik. Topagune bat. Horregatik iruditzen zait interesgarria ostiral honetan antolatu duten ekitaldia, eta gainera, bertan parte hartzeko ohorea izango dut.

Gehiago esatera ausartuko naiz… akaso nahastuko naizen arren. Interesgarria izan behar luke parekidetasun arloan lanean dagoen teknikari, norbanako eta elkarte guztientzat. Parekidetasuna ez baitugu lortuko, bakoitzaren beharrak kontuan izan gabe. Interesgarria izan behar luke, parekidetasunaren inguruko politikak egiten dituztenentzat. Interesgarria parekidetasun gaiak lantzen dituen prentsarentzat. Interesgarria baita ere, desberdintasunaren bidean lanean ari den ororentzat, hobe da bestearen beharrak gertutik ezagutzea, kalte egin nahi diozunean ere.

Ikastera, entzutera, partekatzera eta neurri handi batean, aldarrikatzera noa ni ostiralean. XX kromosoma izateaz harro nagoelako, nire proiektua aurrera ateratzeko gai izateaz harro nagoelako eta arnasguneek indarra ematen dutelako. Bazatoz?

Soinean, baina egoki.

2014-05-14  //  Aitatasuna, Amatasuna, Atxikimendua, Soinean eramatea  //  Iruzkinik ez

Zentsura!

2014-04-22  //  Edoskitze naturala  //  3 iruzkin

Hip Mama aldizkarian oraingoan zentsura, antza, esnea ematen duten bularrak ezin dira aldizkarietan ikusi… bestelakoak akaso bai. Zentsura ez da aldizkariaren beraren iniziatibatik sortu, amaren egunean aterako den aldizkariaren azala sare sozialetan zabaldu zenean, saltzaile zenbaitek ez zutela azal horrekin salduko esan eta Facebook-ek irudia ezabatu egin du. Kritikak eta presioa medio, aldizkariak aldatu egin du azala, are erakargarriagoa bihurtuz.

(gehiago…)

Herri sortzailea

2014-04-15  //  Aitatasuna, Amatasuna  //  Iruzkinik ez

Pentsamendu positiboa lantzen ari naiz azken aldian, lan sortzailea eta ez suntsitzailean… eta pozik nago. Pozik nago herri bezala dugun sormen ahalmenarekin… pozik, semeari eskaintzeko gauza desberdin asko ditugulako.

Azken aldian, poz-pozik ikusi, dantza egin eta abesten dugu Ene Kantak proiektuak sorturiko guztia. Eta zuentzat ere erabilgarri izan daitekelakoan… Hemen guztia.

Bideoekin koreografia, gorputzaren kontrola… landu, abestiekin memoria eta ahozkotasuna… eta batez ere… tarte polita igarotzen dugu guk ia egunero.

Ni gehiago!

2014-04-11  //  Aitatasuna, Amatasuna, Emozioak  //  Iruzkinik ez

Asko gozatzen dut haurren arteko elkarrizketak entzuten, guraso-haur elkarrizketak entzuten… eta bada azken aldian belarrian PIIIII handi bat egiten didan atzizki bat… -AGO! Ni handiAGOa naiz, nik jostailu gehiAGO dauzkat, nire askaria goxoAGOa da, bera txintxoAGOa da… eta hau bakarrik datorkit burura: HAGO ISILIK!

(gehiago…)

Guraso izaten ikasten?

2014-04-03  //  Aitatasuna, Amatasuna, Atxikimendua, Edoskitze artifiziala, Edoskitze naturala, Elikadura, Emozioak, Soinean eramatea  //  Iruzkinik ez

Orain aste batzuk haurdun dagoen ama batek esaten zidan bere ustez guraso izaten ez dela ikasten. Barnean dugun zerbait omen da, eta txikitan gurasoengandik jasotakoa errepikatzen dugula gure haurrekin. Nik ez dut iritzi bera, nik ez dut nire gurasoek ni hezteko erabili zuten era bera… eta bai, nik guraso izaten ikasi egiten dela uste dut. Zergatik? Bizitzako beste milioika gauzak bezalakoa delako, eginaz ikasten da.

Izan ditzakezu oinarrizko ideia batzuk, baina guraso izaten, haurrak irakatsiko dizu. Beste kontu bat da, guraso izaten “desikastea”, txikitatik dugun gurasoaren ideia ikasi horrekin apurtzea. Hori ere, ikasi egin behar da. Desikasten eta entzuten den guztiari men ez egiten.

(gehiago…)

Egiozu erdaraz

2014-02-27  //  Ikastola  //  18 iruzkin

Erabat harrituta eta goibel iritsi naiz etxera gaur. Beste haur eta guraso batzuekin jolasean eta dantzan aritu ondoren, ama batek kontatu digunarekin erabat kezkatuta. Ama honek bi alaba ditu, txikiena irailean hasiko da ikastolan, zaharrena bertan dabil azken urteetan.

Ama hau, izatez galiziarra da, eta euskara ikasten ari da, poliki-poliki eta saiakera handia egiten du beste haur eta gurasookin euskaraz hitz egiteko. Izugarrizko indarra eta meritua du horrek nire ustez. Hanka sartzeko beldurra eta lotsa gaindituta, euskaraz egiten du ahal duena, eta ezin duenean gaztelerara salto.

(gehiago…)

Amagandiko edoskitzea argazkietan

2014-02-14  //  Edoskitze naturala  //  Iruzkinik ez

Historian zehar ateratako amagandiko edoskitzearen inguruko 25 argazki/irudi bildu dituzte hemen.

Zein baino zein ederragoa… zein da zuentzat politena?