Berriki zabaldu den ikerketa zientifi-zientifiko batek frogatu duenez, errauskailu moderno baten tximinia da bizitzeko lekurik osasungarriena. “Asteasuko familia oso bat eduki dugu bi urtez holako batean sartuta eta ateratakoan birikak garbiago zeuzkaten ez-erretzaile batek baino”, azaldu du ikerketaren zuzendari Iñaki Arnasagasti txit doktore jakintsuak, Zabalgarbiko labeetako batean emandako prentsaurrekoan. Atzeko ilarako kazetari batek erdi lotsatuta aipatu dio mediku batzuen arabera errauskailu batetik hurbil bizitzeak minbizia izateko arriskua handitzen duela. “Eta nor dira mediku batzuk jendearen osasunaz ezer esateko?” arrapostu du Arnasagastik duintasunez beteta, bere ile-kalparra atzeraka orraztu bitartean.