Araba eta Burgosen arteko itunak kezka eragin du trebiñarren artean, bertoko zerbitzuak are gehiago hobetuz gero, jada nahikoa handia den turista kopurua sobera hazi daitekeelako, euren eta herritarren arteko elkarbizitza arriskuan jartzeraino. Moskator, Agilu, Bustu, Franku, Fuidiu eta Lañuko –ez, ez dira Asturiasko herriak–bizilagunek, besteren artean, turismoarekin kezkatutako  “BiLagunEkin” plataforma sortu dute. Maiatzaren 25ean munduko turismoaren goi bilera egingo denez Donostian, trebiñarrek manifestaziora deitu dute Pedruzoko bulebarrean, “Tourist go home, Arabar refugees welcome” lemapean. “Gu ez gara turistafoboak, baina…”, azaldu du Pruden Rodrigo del Río de Losa plataformako kideak.