Beranduegik hitz bi trukatu ditu Xabi Alonso ustezko futbolariarekin, ustezko zerga iruzurragatik ustez deklaratu aurretik. Bere jokabidea ulertu eta errespetatzeko eskatu digu: “Urrezko Danborra eman zidatenean hasi zen guztia. Neukan subidoiarekin gau hartako gintonic eta kubatak ordaintzea ahaztu zitzaidan. Bai, egia, normalean gonbidatu egiten naute, baita Kijera gaztetxean ere, baina gutxienez dirua zorrotik ateratzeko keinua egiten dut, nire jatortasun mugagabearen ikur. Aupa Tolosa! Eta, klaro, ba hortik milakatxo batzuk euro ez deklaratzera urrats txikia dago. Begira Cristiano Ronaldo laguna, Urrezko Baloia eman zioten eta gero… Biktima gara, gure txaletean lasai bizi nahi dugu, besterik ez”.