“Oso denbora gutxian milaka kontsumitzaile berri daude, ezin diogu egoerari aurre egin”, adierazi du Osakidetzak. Egunean Behin aplikazioak eragindako adikzio kasuek alarma gorria piztu dute larrialdi zerbitzuetan. “MDMA eta anfetak hartzen dituztenak baino azeleratuago etortzen zaizkigu azkarregi erantzuten saiatu diren pertsonak; anbulategi honetan bi laguni patatekoak eman die aste honetan”, azaldu du Josune Lorazepamtegi Basurtuko ospitaleko medikuak. Egunean Behin-era larriki engantxatuta daudenek beste sintoma batzuk ere erakusten dituzte: “Usurbil!” oihukatzen dute edozein herriren argazki bat ikusi bezain pronto eta besoak zuloz beteta eduki ohi dituzte Wikipedia injektatzen dutelako. Sintoma horiek dauzkan norbait ezagutzen baduzu, saiatu bera baino gorago geratzen rankingean.