“Hanka sartu dugu, barkatu, ez da berriro gertatuko”, adierazi du Donald Trump AEBetako presidenteak, Gabonetako zuhaitz batetik zintzilikaturik eskaini duen prentsaurrekoan. “Baltasar akabatu nahi genuen guk, bere aurpegia ikustean bihotzekoak eman eta zerraldo erori diren ume guztiengatik. Baina, dronea soldadu txikano putakume batek gidatzen zuen eta badakizu nolakoak diren hauek, gurean eskuzabalik hartu eta despistatzen zaren lehenbizikoan, zaska!”. Meltxor nork ordezkatuko duen galdetuta, Trumpek jakinarazi du Bilboko Olentzero jarriko dutela haren lekuan. “Bera da errege baten antz handiena duena. Jada hitz egin dugu Juan Mari Aburtorekin, eta Olé Olé Olenchero uzteko prest daudela esan digute. Maridomingi ere eskaini digute, besterik ez bada Meltxorren gamelua ordezkatzeko, hura ere hil baita bart gaueko bake-operazioan”.