Bigarren Mundu Gerraren ostean Aliatuek buruzagi nazien aurka egin zituzten epaiketak ez daudela oso ondo eginda ondorioztatu dute aho batez Espainiako Auzitegi Goreneko epaileek. Igande goizean abiatu eta eguerdiko marianitora arte luzatu den bileraren erabakia jakinarazi diote Mediterraneo Digital hedabideari. “Rafak Díezek, Sonia Nazinto, Mirengele Zabaleta, Adolf Otegi eta Auschwitz Rodriguez” (sic) kausara gehituko dituzte, ANVko kide batzuek 1945ean Oktoberfestera egindako txangoan “mugimendu arraroak” atzeman dituztelako. Badaezpada, Raul Zelikek gogorarazi du artean bera ez zela jaio.