“Benetan nor naizen jakiteko deskonektatu egin behar nuen eta horretarako noa Indiara”, idatzi zuen Arkatz Lopez oiartzuarrak Facebooken bere bizitza markatuko zuen bidaiari ekin aurretik. Indiara iritsi ostean, bi hilabetez ez zuen ezer argitaratu. Senideak kezkatu egin ziren telefono deiak erantzuten ez zituela ikusi zutenean eta azkenik Indiako poliziarekin kontaktuan jarri ziren 43 urteko gizasemea bilatzeko. Taj Majal parean eserita aurkitu dute, lur jota: “Tontoa naizela deskubritu dut”, adierazi du Lopezek, egindako negarrarengatik deshidratatuta. Senideek lasaiago daudela diote. “Hori deskubritzeko ez zuen zertan haraino joan”, adierazi dute, beren aldetik, haren koadrilakoek.