Selektibitate-azterketa berezituek nazio zapalduen genozidio kultural eta linguistikoa sorberritzen dutelakoan, EH Bilduk proposatu du Euskal Herriko eta Venezuelako ikasleek unibertsitaterako hautaproba berdin-berdinak egitea. Horrek esan nahi du, besteren artean, venezuelarrek erantzun beharko dituztela ganboatar eta oinaztarren arteko gerrari buruzko galderak, eta euskaldunek osatu arawak eta tupi-guarani familia linguistikoen nork-nori-nork aditz taulak. Aldiz, Corte Inglesetik zuzenean, Iñaki Anasagastik ETBn esan du proposamen “irrigarria” dela eta, izatekotan, Huelva eta Cuenca espainiar probintziekin adostu beharko genukeela selektibitatea. “ETBko albistegiak ikustea besterik ez dago errealitate berean bizi garela konturatzeko”, esan du. “Oh, wait, hori jada proposatu duela besteren batek? Logikoena da…”.