EH Bilduko kideek primeran ikasi dute zer esan nahi duen “hauteskunde primario” esamoldeak: zerrendako lehena baizik ezin aukeratzea. Bigarrena Jinkoaren graziak du ezartzen, gipuzkoar askori batere graziarik egin ez badie ere beren zerrendako bigarren Rafa Larreina abortuaren aurkako eta bikote homosexualek umeak adoptatzearen ez oso aldeko arabarra ikusteak. Arabako militantziak ez zuen Larreina zerrendaburu hautatu, eta errebotez Gipuzkoara iritsi da opusdeitarra. “Erreginak ez dira bozkatzen”, esan dute koalizioko iturriek. Errebotea handia izan da, baiki.