Alex Txikon ez da kikildu eta erronka handiagoa jarri dio bere buruari: munduko mendirik altuena igotzen saiatuko da neguan eta oxigeno gabe, azken saiakeran bezala. Baina orain “dibertsio apurtxo bat” gehitzeko asmoa adierazi du: txankletekin eta Iñaki Perurenak 1994an jaso zuen 320 kiloko harria bizkarrean duela abiatuko da gorantz. ETBk Gailurra Xtremesaio berezia egingo du, “Everesteko erromeriya” izenarekin. “Andoni Aizpuru eroango dugu, eguraldiak noiz puteatuko gaituen hobeto jakiteko”, azaldu du Txikonek. Irati Anda ere espedizioko kide izango da eta Txikon kezkatuta dago horrekin, mikrofonoak itzali direnean azaldu duenez: “Pentsatu bera ere goraino igotzen dela, neguan, oxigeno gabe, txankletekin, harria bizkarrean… eta gainera bertsotan! Horregaz ezin dut konpetitu”.