Hasiera »
Estitxu Eizagirreren bloga - Gaitzerdi
Estitxu Eizagirre
Hernanin hazi eta Larraulen bizi den sozidadeko bertsolaria. Feminismoarekin, heziketarekin, lurrarekin, jendeekin sentibera, bizhitsari adibide positiboak eta zalantza-dantzak lapurtzen saiatzen naiz.
Azken bidalketak
Iruzkin berriak
- Ikasares(e)k Covid semaforoa EAEn: lehen hori zena, orain gorri bidalketan
- Aitor(e)k Gaixotzen gaituenari ez diezaiogun ipurdia salbatu bidalketan
- Ainhoa(e)k Bada paperaren alde egin duen eskolarik bidalketan
- MIKEL VARGAS OLASOLO(e)k Estitxu Eizagirreren bloga bidalketan
- orre(e)k Cristina Uriarte, bukatu da: gurasorik gabe erabaki bat gehiago ez bidalketan
Artxiboak
- 2024(e)ko ekaina
- 2024(e)ko apirila
- 2024(e)ko otsaila
- 2023(e)ko azaroa
- 2023(e)ko abuztua
- 2023(e)ko maiatza
- 2022(e)ko abendua
- 2022(e)ko iraila
- 2022(e)ko uztaila
- 2022(e)ko martxoa
- 2021(e)ko abendua
- 2021(e)ko azaroa
- 2021(e)ko ekaina
- 2021(e)ko maiatza
- 2021(e)ko apirila
- 2021(e)ko otsaila
- 2020(e)ko iraila
- 2020(e)ko ekaina
- 2020(e)ko maiatza
- 2020(e)ko martxoa
- 2020(e)ko urtarrila
- 2019(e)ko abendua
- 2019(e)ko maiatza
- 2019(e)ko apirila
- 2019(e)ko martxoa
- 2019(e)ko otsaila
- 2018(e)ko azaroa
- 2018(e)ko urria
- 2018(e)ko iraila
- 2018(e)ko abuztua
- 2018(e)ko ekaina
- 2018(e)ko maiatza
- 2018(e)ko apirila
- 2018(e)ko martxoa
- 2017(e)ko abendua
- 2017(e)ko azaroa
- 2017(e)ko urria
- 2017(e)ko iraila
- 2017(e)ko abuztua
- 2017(e)ko uztaila
- 2017(e)ko ekaina
- 2017(e)ko maiatza
- 2017(e)ko apirila
- 2017(e)ko martxoa
- 2017(e)ko otsaila
- 2017(e)ko urtarrila
- 2016(e)ko azaroa
- 2016(e)ko urria
- 2016(e)ko iraila
- 2016(e)ko uztaila
- 2016(e)ko ekaina
- 2016(e)ko maiatza
- 2016(e)ko apirila
- 2016(e)ko martxoa
- 2016(e)ko otsaila
- 2015(e)ko abendua
- 2015(e)ko azaroa
- 2015(e)ko urria
- 2015(e)ko iraila
- 2015(e)ko abuztua
- 2015(e)ko uztaila
- 2015(e)ko ekaina
- 2015(e)ko maiatza
- 2015(e)ko apirila
- 2015(e)ko martxoa
- 2015(e)ko otsaila
- 2014(e)ko abendua
- 2014(e)ko azaroa
- 2014(e)ko urria
- 2014(e)ko iraila
- 2014(e)ko abuztua
- 2014(e)ko uztaila
- 2014(e)ko ekaina
- 2014(e)ko maiatza
- 2014(e)ko apirila
- 2014(e)ko martxoa
- 2014(e)ko otsaila
- 2014(e)ko urtarrila
- 2013(e)ko abendua
- 2013(e)ko azaroa
- 2013(e)ko urria
- 2013(e)ko iraila
- 2013(e)ko abuztua
- 2013(e)ko uztaila
- 2013(e)ko ekaina
- 2013(e)ko maiatza
- 2013(e)ko apirila
- 2013(e)ko martxoa
- 2013(e)ko otsaila
- 2013(e)ko urtarrila
- 2012(e)ko abendua
- 2012(e)ko azaroa
“Aitorren hizkuntz zaharra…” bertsio feminista
2013-01-17 // Umekeriak // Iruzkin bat
– Zuk badakizu “Aitorren hizkuntz zaharra” kantua?
– Bai…
– Kantatuko dugu elkarrekin?
Glups! “gizonki azaldu”, “hizkuntza garbia”… kantu horri diodan atzerakoarekin! baina tira, hori ere gure kantutegiko parte dela eta bost urteko ume bati ezin zaiola dena kolpean esplikatu, hasi gara bada kantari. Ni betiko eran, eta kantukidea:
“Aitorren hizkuntz zaharra nahi degu zabaldu
munduaren erdian gizon pila saldu”…
Kantutegia berritzea edonoren esku dago, euskal kultura biziberritu dadin, eta batez ere, kultura horretako parte garenok kadukatutako pentsamoldeak ito ez gaitzan.
Goian bero
2013-01-15 // Bertsolaritza // Iruzkinik ez
Xabier Fidel Paya Ruiz. Algortako bertsolaria. Amak umetan euskaraz tajuz ikasteko bertso eskolara hasitakoa. Bizkaiko txapela jantzi eta oholtzan zehar korrika ospatu zuena. Renora ahozko tradizioen biltzar batera itzultzaile joan, eta konpasei buruzko ikasgaiak ematen bukatu zuena. Gasteizko itzultzaile eskolako lehen promozioko lizentziaduna. Musika ikasia, koroan abestua, flautajolea, elizan organojolea… Gazteleraz trabatu gabe bertsotan egiten duen bakarretakoa eta erdarazko bertsoak errimatuta eta neurtuta itzultzen dakiena. Bertso udalekuetan begiratu beharreko begiralea. John Foley (ahozko tradizioen ikerlari nagusia) zendu berriak amaitzerik izan ez zuen ikerketa-beka utzi zion oinordekoa.
Eta Argia astekarian 2006an “Bertso berriak” atalari ekin zitzaionetik deskantsu hartu ez duen bertso-jartzailea. Urte berriarekin agurtu gaitu. Berak badaki, nahi duenerako atea zabalik du.
Hemen duzue sei urtean jarri dituen sorten aukeraketa bat. Idatzizko bertsoen mugak eta aukerak arakatzea izan du helburu, hizkiei eta puntuaketa markei tira egin eta moldeak haustea. Sorta horietako asko musikatu ditu eta entzungai dituzue. Kale edo bale egiteko jarreragatik, eskerrik asko.
– Murrizketekin jarriak
– Euskara agiriak opari
– Aita itsasgizon bati
– Sol-idaritweet Requiem #m15
– G kontua
– 2 xabi-xa
– Lerro artean jarriak
– Euskara batu sinpleari jarriak
– SuMISSioari jarriak
– SMSei jarriak
– Puntukako gida-baimenari jarriak
Altzoko Haundia, txikien opera: Belarrientzat zorroztarribitxia
2013-01-07 // Kultura, Sailkatugabeak // Iruzkinik ez
Koldo Izagirrek hitzak eta David Azurzak musika. Gure etxean sartu den lehen opera, belarriak zabaltzeko luxuzkoa. Dena gustu finez egina. Altzoko Haundiaren bizimodua bera abenturaz josia dago, eta Izagirrek bizimodu haren gogorra zorrotz azaltzen digu, umore gazi-gozoz eta beti xamurtasunez. Musika hau gure etxean berria da, baina behin eta berriz entzun eta barneratzeko jakinmina pizten duena. Pertsonaien ahotsak biribil karakterizatuta daude, eta istorioa primeran jarraitzen da.
Aukera ederra dugu diskoa eskuratu eta entzunaren entzunaz 2016rako opera xehetzeko. Urte horretan Donostia Kultur Hiriburu izan behar horretan, txotxongilo eta guzti taularatuko dute opera. Altzoko Haundiaren umiltasuna eta herri txikien harrotasuna, Kultur Hiriburuan ikus-entzungai.
Okelar Sariko bertso sorta irabazleak
2013-01-03 // Bertsolaritza // Iruzkinik ez
Urtero legez Santo Tomas bueltan banatu zuen Mutrikuko bertso eskolak Okelar Saria. Helduen mailan lehen saria Amaia Agirrek jaso zuen “Biziminak minbiziari” sortarekin eta bigarrena Iñigo Legorburuk “Hitzen ekonomian” sailarekin. Hemen dituzue biak:
(gehiago…)
Jostailu trukeen alde
2012-12-21 // Sailkatugabeak // Iruzkinik ez
Aiztondo Mankomunitateko (Gipuzkoa) Denboraren Bankuak oharra bidali zuen etxeetara, gure herrietan familia batzuk larri daudela (Gizarte langileek jakinarazi zietenez) eta erabiltzen ez ziren jostailuak bilduko zituztela birbanatzeko.
“Ui, keba, gure etxeko denak erabiltzen dira edo puskatuta daude” hori da denok pentsatzen duguna… armairuak irekitzen ditugun arte. Oso ongi dator:
1.-Etxean txukunketa egiteko.
2.-Zer gauza ditugun gogoratzeko. Zokoratuta genituenak dira orain maiteenak!
3.-Garbitu eta konponduta, “jostailu berriak” izateko.
4.-Haurrekin jabegoa lantzeko (nahi dut vs behar dut, besteek emandako zer daukat, zer irabazten dugu denok trukearekin, dena ez da erosita konpontzen…).
5.-Jada beharko ez ditugunak berrerabiltzeko, besteri emanda.
Badira berrerabiltzeko hainbat aukera: bata, aipatu duguna, behar bada opari nagusia izango den etxeetara bideratzea. Bestea, inguruko umeei pasatzea. Hirugarrena, jostailu trukea: urtetik urtero gero eta azoka gehiago antolatzen dira. Hona hemen aurkitu ditudanak (besteren baten berri baduzu, bidali, eta pozarren gehituko dut!):
–Asteasun: abenduaren 23an, 11:30etan hasita.
–Elgetan: abenduaren 23an, 11:30etan hasita.
–Irurtzunen: abenduaren 22an, 11:00etan hasita.
EGINDA DAUDENAK:
–Arrasaten.
–Orion.
–Hendaian.
–Beasainen.
–Zizurkilen.
–Araian.
–Beasain.
–Azpeitin.
–Uharten.
–Agoitzen.
–Antiguan.
–Basaurin.
–Urretxun.
–Kortezubin.
–Basaurin.
Euskaraz… hil?!
2012-12-18 // Umekeriak // Iruzkin bat
Bi umek jolas bihurtu dute Euskararen Egunean eskolan “ospatu” zen zeremonian bota ziren leloak gogoratzea.
Urliak: “Bixi bixi, euskaraz bizi!”
Sandiak: “Entzunak entzun, euskaraz erantzun!”
Urliak: Nola zen hura? “Euskaraz jaio, euskaraz bizi eta euskaraz…” [hil]
Sandiak: Iraun!
Karkailaka hasi naiz leloa tupustean nola mejoratu duen ikusita. Barrez jarraitu dut, euskararen kinkaz bost urteko umeak ere jabetuta daudelako. Eta irribarre bat geratu zait gogoan itsatsita, hurrengo belaunaldiak irauteko egoskorkeria izango duen esperantzan.
Agur eta ohore
2012-12-17 // Bertsolaritza // 3 iruzkin
Joxe Agirre (argazkia: Uztarria.com)
Joxe Agirre bertso afari magiko batekin lotuta atxikiko dut oroimenean. 2000 edo 2001ean izango zen, Urrestilan bertsolari gazteen asteburu-pasa egin genuen. Eta larunbata gauerako egitaraua hauxe zen, Agirre eta Lazkanoren bertso afaria. Komedorea gaztez beteta, erdian bi aitonak kantari, eta gaubela ahaztezina.
Bi bertsolariek sekulako saioa egin zuten: gairik inork jarri gabe, elkarri zirikan batzutan, eta elkarrizketan sakon bestetan. Joxe Agirreri emaztea hil berri zitzaion, eta saiotik itzultzean sentituko zuen bakardadeaz kantatu zuen, ahobizarrik gabe. Buruan halakorik ez genuen gazteoi ere iritsi zitzaigun halako sintzeritatez kantatua. (gehiago…)
Haur minbizia ikertzeko telemaratoia: ale bat
2012-12-12 // Bertsolaritza // Iruzkinik ez
Telebista iragarkiek eta irratiz jarraipena egiten ari diren gaurko egunak gogora ekarri dizkidate Maialen Lujanbiok Euskal Herriko txapela jantzi zuen egunean kantatutako bertsoak, garaitsu honetan, abenduaren 13an, baina 2009an, BEC apoteosiko hartan.
Gaia: Medikua zara Maialen. Minbizia duten ume bi ikusten dituzu ospitaleko korridoreetan gurpil aulkiekin lasterketak egiten.
Zabal-zabalik geratzen zaizkit
nere begi nere aho
ospital hontan sartu zirala
denbora joan da luzaro
abuztu, irail eta urria
bihurtu zaie azaro
ta zai-zai daude noiz irtengo edo
noiz aginduko “akabo!”.
Elkarri nola deitzen dioten
“burusoiltxo!” eta “kalbo”
minbizi duten bi umeeri
begira-begira nago
eurengan minak badu indarra
baina bizitzak gehiago. (gehiago…)
Wert bertegi ote dugun
2012-12-05 // Hezkuntza // Iruzkin bat
Tabernan ozen asaldatu gara Espainiako Hezkuntza ministroaren azken astakeriarekin. “Nora goaz?!”, “Laster cara al sol kantatzen jarriko dituzte!”. Bakarka guraso batek kontatzen dizu senarrak batzutan alabari erdaraz egiten diola “belarria egin dakion”, halako kexatzen da “hainbeste euskaraz eta kito, baina gure semeek ez dakite erdaraz”, hirugarrenak bost urteko umea ingelesera darama “jolasteko, baina ongi etorriko zaio”…
Garraio publikoa bezala da euskara, denok gaude alde baina kotxean inbertitzen dugu. Zortzi urterekin dakigun euskara “euskara jakitea” bailitzan, munduan bost urterekin bi hizkuntzatan berdin egiten duen amaren alabarik balego bezala, ingelesez jolastuta curriculumak gizenduko ditugulakoan… (gehiago…)
Juan Mari Beltran, kultur kezka batzuen erantzuna
2012-12-04 // Kultura // Iruzkinik ez
Kultur Astearen barruan, kontzertua eskaini zuen Ander Barrenetxea eta Andoitz Antzizarrekin batera, Larraulgo elizan, 2012ko azaroaren 30ean.
Euskal kultura zer den eta nola transmititu edo “geroratu” behar dugun da kezka unibertsitate masterretan, kulturgintzan… Aski da Beltranen kontzertu bakarra entzutea edo orain Herri Musikaren Txokoan ematen dituen eskolak jasotzea teoriak eta galderak praktikan gaindituta ikusteko. Beraz, agian benetako kezka behar luke Beltranek bizi osoan hain azertu handiz egin duena nola jaso, beste eremuetara nola zabaldu eta geroratu behar den. (gehiago…)