-Y, ¿Vos cómo te llamás? -Yo, Imanol. -¿Manolo? -No, Imanol. -Bien. Imanolo… -¡No! Me llamo I-ma-nol -¡Ah! ¿Imanol? Como Imanol Arias. -Sí. Arias se llama como yo. Imanol

Uruguaira heldu gara gaur. 09-07-13. Itsasuntziz heldu gara Buenos Airesetik. Colonia izeneko herriska batean gaude. Zittertal izeneko zerbeza edaten fruitu lehorrak lagun. Hiriko zurrunbilotik herriko patxadara egin dugu jauzi. Eta eskertzen da. Denborak ere deskantsu hartu duela ematen du.

Buenos Aireseko etorbide handi eta zabalena. 9 de Julio. 9 karril norabide bakoitzeko. Iluntzeko 9ak dira. Gautu du. 9 gradu baino gutxiagoko hotza. Eskalestriaren erdian zuhaitz bakarreko irla bat eta familia bat. Andre, 3 haur-neskatila ttiki eta aita. Pailasoz jantzita […]

Buenos Aireseko etorbide handi eta zabalena. 9 de Julio. 9 karril norabide bakoitzeko. Iluntzeko 9ak dira. Gautu du. 9 gradu baino gutxiagoko hotza. Eskalestriaren erdian zuhaitz bakarreko irla bat eta familia bat. Andre, 3 haur-neskatila ttiki eta aita. Pailasoz jantzita […]

Handia da lagunen konpainia zerbeza basotan hurrengo egunean kopetari soka latz batek atzeraka tiraka ez balio.

Ia bizitza osoa Argentinan daraman greziar agure batekin aritu gara hizketan. Postalak eta Mafaldaren kamisetak zituen denda bat zeraman. Damu omen zen Argentinara etorri izanaz Grezian zituen ondasunak utzita. Eta orain ez da inongoa. Herri minez bizi da atzerrian. Kanpotarra litzateke herrian. […]

Buenos Airestarrak, porteñoak tristeak dira oro har. Irribarre gutxi kaletan, propaganda karteletan ez bada. Buenos Airesen erresignazioa sumatzen da gehienengan. Eta gehienak tristeak izateaz gainera ez dira oso ederrak. Ez dut inongo neska edo mutil puxkarik sumatu inguruan.

Bihar astebete Zarauztik irten ginela. Esan didazu. Eta astea azkar pasa dela solastu dugu elkarrekin. Orain egun batzuk berdina esan zeindan. Hiru egun Argentinan gaudenetik. Eta orduan egunak pisu zitzaizkigun. Orduan bezain ondo gaude gaur. Baina egunak laburragoak dira.

Argentinan muxu bakarra ematea da ohitura agurtzerakoan, eskuin masailean oro har. Izan mutil. Izan neska. Konbinazio guztitan. Kontua da bietako batek bakarrik gerturatzen dituela ezpainak bestearen masailera. Bati, beraz, musua jartzea baino ez dagokio musua jasotzeko. Hasieratik markatzen dira diferentziak […]

Gure gorputzek uda espero zuten eta negua eman diegu. Ameriketakoa gainera. Eskerrak betiereko udaberrian bizi nauzu. Zaitudan. Gaitezen.

Umorea. Umorez idatzi nahiko nuke. Umoretsua izan. Naizela erakutsi. Baina inpresioa dut seriotasunez jartzen ditudala azulejoak arkitektura lan hotzetan. Kike! Nik e umorez idatzi nahiko nike!

Mobilik gabe nabil. Eta pozten naiz. Eta relajatzen naiz. Ez nago mundu birtualera konektatuta. Libre naiz. Azkenik.