Bilboko Alhondigan edoskitzeagatik kaleratua
Udan izan ziren zenbait kasu igerileku batzuetan, oraingoan Alhondigan gertatu da. Azaroaren 24ean Txikiland gunean zegoen ama batek, bere urte eta erdiko haurrari bularra ematean, kanpora ateratzeko agindua jaso zuen.
Honen aurrean, unean bertan kexa jarri zuen Alhondigan bertan eta abenduaren 16ean kontzentrazioa deitu da bertan edoskitzeko eskubidea babestu dadin eskatzeko.
Kezkagarria da ama batek haurra elikatzeagatik kanporatua izateak ia oiartzunik ez izatea. Kezkagarria ezkutatu nahia. Susmoa dut, eta geroz eta gehiago, “bizikidetza” arauengatik egiten dela esaten bada gainera, arazoa ez dela haurra jaten egotea. Emakumeak bularra ateratzea gaizki ikusia dagoela…
Tristea da guztiz haurrentzako gune batean haurrari bularra ezin ematea…
zein ongi horrelako informazio isildua EH guziraino ailega daitekeela bitartekari honen bidez.biba!
eta lotsagarria Alhondiga moderno horretakoa! gizakia bere buruaren kontra bertze behin ere!
elkartasun osoa ama eta nini horri!!biba gure titiak eta ematen duten guzia!!
Kezkagarria da kontatu duzuna eta zoritxarrez ez da kasu bakarra. Duela hilabete batzuk Kanariar irletako liburutegi batean gertatu zitzaidan antzekoa eta ezin sinestuta geratu nintzen. Orduko hartan bulego batera sartzeko “gonbidapena” egin zidan liburuzainak. Nik ere kexa jarri nuen baina ezta erantzunik ere… Badirudi edoskitzea bultzatzen dela baina tabu asko daude oraindik.
Bai Arianne, hemen ere izan ditugu halakoak udaran igerilekuetan…
Kexa jarri eta ez erantzutea ez da ohikoa. Ea kexak behintzat arazo bat dutela ikusarazi dien.
Ondo izan,
Nahia