Navarro ez dago burtsak bezain pozik EBrekin
Atzo egun handia izan zen Europako burtsentzat eta igoera itzelarekin eskertu zuten krisian dauden euroguneko estatuei laguntza emateko Europako Batasunak plana adostu izana. Eta komunikabide gehientsuenek ere pozik egon behar zela iradokitzen zuten bakoitzak bere moldean.
Europako Batasunean bizi den krisiari buruzko oso bestelako ikuspegia eskaintzen du Vicenç Navarro soziologo eta politilogo ospetsuak eta hartuko diren neurriekin oso kritiko agertzen da bere webgunean idatzitako artikulu honetan: Las políticas promovidas por la Unión Europea son ineficaces e injustas.
Krisian diren estatuek gerrikoa estutu behar dutenean, gastu publikoa handitzearen garrantzia azpimarratzen du. Grezia nola iritsi den egungo egoerara. Krisitik ateratzeko, soldata duinek kontsumoan izan behar luketen garrantzia, kreditu ezak dakartzan arazoak… 15 minutu kenduko dizkizu artikuluak, eta egungo egoera ulertzeko klabe garrantzitsuak eman. Hemen mokadutxo bat:
XX mendean inoiz ez da atera depresio ekonomiko edo atzeraldi handi batetik (gaur egungo bezalakoa) gastu publikoa itzel zabaldu eta zorra handitu barik. Depresio Handia New Dela-arekin eta II. Mundu Gerran egindako gastu publiko erraldoiarekin bideratu zen.
Iruzkinik ez
Trackbacks/Pingbacks