Hiru iritzi 2016ko plebiszituaz: Partal, Cot eta Antich

Atalak: Nazioartea, Politika, Sailkatugabeak

Artur Masen proposamenak hautsak harrotu ditu.

Moncloatik Kataluniako 2014ko erreferenduma baimentzen ez bada, 2016an plebiszitu moldeko hauteskundeak deituko dituela barreiatu du Kataluniako Gobernuko Artur Masek. Atzoko egunaren amaieran, hala ere, 2014ko erreferenduma bai ala bai egingo dela zehaztu zuen.

Eta, Via Catalanaren bezperetan, zalantza eta nahasmendua barreiatu ditu han-hemenka. Hona hiru mediotako zuzendarien iritziak:

2016an ez, Vicent Partal, Vilawebeko zuzendaria.

Vicent Partal.

Bere ustez Masen jarrera honekin, Mariano Rajoyk lasai har dezake arnasa, azken finean, Katalunia-Espainia enfrentamenduaren ikuspegia desegin egiten delako. “Egia da, guk ez dakigu nola joango litzaigukeen prozesu hau, baina ezta haiek ere. Orain, ordea, Espainiako Gobernuko lehendakariak badaki ez dela ezer gertatuko, ez du horregatik sufritu behar, lasai pentsa dezake ez dela ezer gertatuko”. Partalek onartzen du Masek irudi sendoa duela, baina bera gabe prozesu hau ez zela emango ere bai. “Era berean, azkenean beti agertzen da huts egingo ez digun zalantza”. Partalen ustez zilegi da ardura itzelak dituen Mas moduko agintari batek prozesuaz zalantzak izatea, zuhurra ere bada, baina ohartarazten dio zalantzak zuhurtziatik harago badoaz, kaleak aurre hartuko diola: “Egia esanda, nik ez dut ikusten herrialdea  irabaziko diguten beldurrez ezin dugula arriskatu pentsatuz; eta, ondorioz, ez du etsirik itxarongo 2016ra arte.

Masek 2014a ahaztu du, Salvador Cot, Nació Digitaleko zuzendaria.

Salvador Cot.

Bere iritziz, Masek hoztu egin ditu oinarrizko katalanismoak erreferendumarekiko dituen aukerak eta Madrilen esku utzi ditu. Hau da, baztertu egin du. “Paradoxa zera da: lehendakariaren alternatiba 2016aren bukaeran plebiszitu erako hauteskundeak egitea”. Coten esanetan, Via Catalana atzerrira begirako ekimena zen, baina orain honen presioa Masengana bidera liteke. “Funtsean, gaur egun katalanismo soziala segurtasunetik zalantzara iragan da. Eta Artus Masek argi izan behar du zalantzatik ez dagoela lidergorik”.

Masen gidoia, Jose Antich, La Vanguardiako zuzendaria.

Jose Antich.

Bere ustez, Masen atzoko azken orduetako adierazpenek interpretazio interesatuak indargabetu dituzte: “2014an kontsulta egitea da bere borondatea, eta horretara bideratuko da bere ahalegina, baina azken hitza Moncloak du eta ez Generalitateko Jauregiak”. Antichek dio, agian Masen adierazpenak Diadaren eguneko kaleko aldarrikapenak eta sektore batzuen presazko abiadak gainditu ez dezaten egin dituela; Masek funtsean baterarazi nahi dituela diskurtsoaren ñabardurak eta denborak legaltasunarekin