Ernest Maragall: 2013-14rako gakoak

Atalak: Nazioartea, Politika

Ernest Maragall, NECeko lehendakaria

Ernest Maragall Hezkuntza sailburua izan zen PSC, ERC eta ICVren gobernuan. PSCren sortzaileetakoa, iaz atera zen alderditik eta Nova Esquerra Catalanaren (NEC) sorrera bultzatu zuen. Gaur egun, alderdi honetako kontseilu politiko lehendakaria da. Vilaweben argitaratu duen artikuluan zazpi gako aurreikusten ditu 2013-14 ikasturterako. Hona laburpena:

1. Keinuak erabakiak eta eraikuntza. Katalanek hiru esparru hauen arteko oreka zaindu beharko dute: Irailaren 11ko indarra, kontsulta eta erabaki eskubidearen gauzatzea eta etorkizunera begira ikusten dugun estatuaren eraikuntza.
2. Irailaren 11 eta biharamona. Irailaren 11 festa handia izango da, baina erakutsi behar diegu gure errespetu maila hona etorri ez direnei.Herrialdea eta ezkerra: behar den alternativa. Kataluniako mapa politikoa berrosatzen ari da eta funtsezkoa da antolatzea ezkerreko herritar eta indarren bateratzea. Esparru honetan ez dago ezer egiterik PSCrekin, honek bere sortze izpirituari uko egin dio eta. Egungo PSCrekin erabaki eskubidea adostu ahalko dugu baina ez herri proiektua. ERC, CUP, NEC eta beste batzuek eskuzabaltasun handia beharko dute herriak behar duen ‘Alderdi Demokrata’ hori sortzeko.
3. Batasun politiko eta soziala, Kataluniako egungo errezeta bakarra. Ezinbestekoa da batasun hau lortzea herrialdeak dituen bi helburu nagusiekiko: batetik, Katalunia Estatua eta erabaki eskubidea bideratzea; bestetik, bizi dugun krisi ekonomiko-sozialetik ateratzeko akordio ezinbestekoak lortzea.
4. 2013ko luzapenetik 2014ko aurrekontuetara. Ulertzekoa da iruzur demokratikoaz hitz egitea egungo aurrekontuak eztabaidatu ezin direlako, baina zentzuak eta katalan batasun beharrak, 2014ko aurrekontuetara begiratzea eskatzen du, eta eztabaida hori irekitzea eskatu behar zaio CiUri.
5. Maiatzeko Europako hauteskundeak. Europako hauteskundeak aukera bikaina dira Europaren eta munduaren aurrean gure mezua argi plazaratzeko. Katalanismo guztiaren hautagaitza bateratua aurkeztu beharko genuke, adostasunak eta desberdintasunak ondo adostuta, eta erabaki eskubidearen defentsa eta Katalunia Estatua kontzeptua oinarrian hartuko lituzkeena. Garaipena erabatekoa litzateke.
6. Alderdia-ustelkeria sinonimotik, politika demokratiko berrira. Ikasturte honetan izango dira hainbat epai eta diren beste auzi guztietan ere erantzukizunak eskatu behar dira; ez badugu sinesgarritasuna galdu nahi eta ezinbestekoa den politikaren berrosaketa bideratu nahi badugu, hori egitea ezinbestekoa da. Eta bukaerako ondorio bat: nazioa, ekonomia eta demokraziaren eremuetan maniobra handien ikasturtea izan behar du, baina ez azken guduena ezinbestean. Baina ikasturte honetan norabide bat edo bestea hartuko da.