Transakzio finantzeroen %0,1ekin AEBtako aurrekontua finantzatuko luke Smith hautagaiak

Atalak: Ekonomia

Scott Smith AEBtako lehendakaritzarako hautagaietako bat da eta arreta deitzen duen proposamena egin du. Ez da berria, baina bai argia. Juan Torres Lopez ekonomialari espainiarrak bere blogean azaldu du:

“AEBetako aurrekontu federala 3,9 bilioi dolarrekoa da (bilioi espainiarrak, hau da, milioika milioitan neurtuta).

AEBtako pertsona errenta 15 bilioi dolarrekoa da, beraz, horrekin aurrekontuaren 3,9 bilioi hori finantzatu nahi izatekotan, edo zerga handiak jarri behar dira edo defizit handiak sortu.

ATTAC moduko elkarte zibikoek eta beste ekonomialari askok hainbat urtetik hona proposatzen ari garena da Smithen irtenbidea: orain arte ia zergarik ez duen ekonomiaren alorra zergapetzea, hots, finantza transakzioak.

AEBentzat Scott Smithek proposatzen dituen kontuak oso errazak dira:

Nazioarteko estatistiken arabera, AEBetako ekonomian finantza transakzioen bolumena 4.456 bilioi dolarrekoa izan zen 2013an (samurra litzateke demostratzea errealitatean handiagoa dela, zifra horiek azpibaloratuak egon ohi direlako, baina utzi ditzagun horrela).

Beraz, horrek esan nahi du aurrekontuetako gastuaren 3,9 bilioiak finantzatzeko, finantza transakzio horien %0,0875 beharko litzatekeela (hori da 4.496 bilioitan 3,9 bilioik suposatzen duena). Hau da, eta borobilduta, finantza transakzio guztiei %0,1eko tasa txiki bat jarrita, ez litzateke beharrezkoa ez pertsonek ez enpresek zergarik ordaintzea gastu publikoa finantzatzeko (konparatu %0,1 hori zuetako bakoitzak bere errentarekiko ordaintzen duen zergarekin).

Jakina, proposamen hori berdin aplika daiteke Europan, Espainian eta mundu osoan. Ondorioak berehalakoak lirateke eta eraginkortasuna itzela”.