Diadaren ondorengo lau begirada

Atalak: Nazioartea, Politika, Sailkatugabeak

Atzoko Diadan ia bi milioi pertsona bildu zirela aipatu da.

Eduard Voltas (Nacío Digital): Independentziarantz amaieraraino.  Josep Ramoneda (El Pais): Estatu librea, baina Espainian. La Vanguardia (Editoriala): autonomia berritua. Isabel San Sebastian (ABC): Betiko Espainia.

Eduard Voltas: goazen amaieraraino

“Idealik handiena defendatzen ari gara, eta ez da independentzia, demokrazia baizik, eta Europan gaude, eta XXI. mendean, eta gizarte heldura gara, eta baketsuak. Ez da posible behin umiliatu gaituen auzitegi politikoak berdin egitea bigarrengoz. Artur, Oriol, Joan, David: suspentsioa datorrenean itxi zaitezte gela batean eta ez zaitezte atera ados jarri arte. Argazki bakarrean ikusi nahi zaituztegu, galdera eta eguna iragarri zenuten egunean bezala. Zer eta nola bozkatuko dugun azaltzen elkarrekin ikusi nahi zaituztegu. Horrela egiten bada, ez kezkatu, amaieraraino jarraituko zaituztegu”.

Josep Ramoneda: hirugarren bide ausartena

“Independentistak okertu egingo lirateke pentsatuko balute indar harremanak apurketaren unean direla. (….) Baina galdera zera da: Zein momentutan Espainiako Gobernuak pentsatuko du indarrak aski tenkatu direla eta debekutik politikara pasatzeko ordua dela? Politikak hori esan nahi du, kasu honetan Katalunia subjektu politiko gisa onartzea. Eta, hortik aurrera, ausardia apur batekin irtenbide partekatua bilatu. Zergatik inork ez du miatu nahi estatu libre elkartuaren figura?”

La Vanguardia : autonomia, itun berri bat

“Bultzada behetik dator, zalantza barik,  baina baita goitik ere, Generalitateak bere gorputz  instituzional osoa –txikia ez dena– jarri baitu mobilizazioaren zerbitzura. Hori da errealitatea eta hobe bizkarrik ez ematea (…)  Kataluniako alde oso garrantzitsuak –inkesta ia guztien arabera, seguruenik handiena– ez luke independentziaren alde egingo formalki kontsultatua balitz; nahiago luke autonomia zabaldu eta berrindartzeko ituna, zeina Estatu espainiarrak leialki errespetatuko duen”.

Isabel San Sebastian: Espainiak erantzuteko ordua

“Txantxa urrutiegi joan da. Urte luzez ari dira Konstituzioari desafio eginez, Zuzenbide Estatuari, espainiarren pazientziari, egia historikoari eta garaian-garaiko abiadari. Heldu da ordua Rajoyk bere eginkizuna bete eta separatistek, behin-betiko, amore eman dezaten.”