UGTk eta CCOOk A9an parte-hartzera deitu dute

Atalak: Nazioartea

Álvarez eta Gallegok partehartzea eskatzeko hedebideen aurrean egindako deialdian. (Arg.: Elpunt-Avui).

Joan den urriaren 24ko Erabaki Eskubidearen aldeko Itun Nazionalaren bilera  Kataluniako UGTk eta CCOOek  deitu zuten eta atzo bertan ere sindikatu bietako buruzagiek Kataluniako herritarrak igandeko galdeketan parte hartzera deitu zuten. Josep Maria Alvarez (UGT) eta Joan Carles Gallegoren (CCOO) ustez, Madrilgo jarrera autoritarioari aurre egiteko eta adierazpen askatasuna defendatzeko bozkatu behar da. Haien ustez, jarri diren oztopo guztiekin jadanik ez da hain garrantzitsua botoak kontatzea baizik eta herritarrek prozesuan partehartzea.

Non bozkatu, barruan ala kanpoan?

Igandean 6.695 bozka leku izango dira Katalunia osoan, baina ez dago guztiz argi hautetsontsiak non  izango diren, gutxienez bozka lekuak ikastetxeak diren kasuetan. Eskolak publikoak dira eta, beraz, Generalitateak kudeatzen ditu, baina zuzendariak funtzionarioak dira eta Espainiako Gobernu ordezkari Maria de los Llanos de Lunak gutun bat bidali die mehatxu eginez eta galdeketan parte ez  hartzeko debekatuz. Eskoletako ateak irekitzea eta eskolan bozketa baimentzea izan daiteke hori, esate baterako.

[14:30etan berritua] Gaurko Erabaki Eskubidearen aldeko Itun Nazionalaren bileran Artur Masek jakinarazi du Generalitateak bere gain hartzen duela A9aren antolaketa. Generalitateak bermatu egingo du eskolak zabalik izango direla eta herritarrek botoa eraikinen barruan emango dutela eta ez  kanpoan. Zehaztu du, halaber, honainoko prozesua Generalitateak ekarri duela baina amaiera boluntarioen esku geratuko dela, besteak beste boto kontaketa.

Carlos Jimenez Villarejo epailea aurka

El Paisen argitaratutako iritzi artikuluan   Europako Hauteskundeetan Podemoseko hautagaia izan zen epaileak gogor jo du A9ko galdeketaren aurka. Ezkerreko Federalistak erakundeko kide ere bada eta, bere ustez, igandekoa galdeketa  Generalitatearen iruzur handi bat besterik ez da: “Prozesu bat da, argi gera bedi, non ez den bozkatzen, ‘herritarren iritzia jasotzen da’. Beraz, herritarren kontzientzia manipulatzen ari da, bere parte hartzea bozkatzeko helburuarekin deitzen baita, hori nabarmen faltsua denean”.

Freixenetek independentziari beldurrik ez

Artur Masek iragarri du azaroaren 10ean gutuna bidaliko diola Mariano Rajoyri berriz erreferenduma egin ahal izatea eskatuz. Freixeneteko lehendakari Jose Luis Bonetek lerro artean irakurri eta A9aren ondoren Generalitatea eta Madrilgo gobernuaren arteko elkarrizketa prozesua irekiko dela ondorioztatu  du. Independentziarik ez duela aurreikusten azaldu du tinko: “Ez baitut ikusten gertatuko denik eta multinazionalen ustez ere ez, ez dut inolako mugimendurik sumatu. Ideia da ez dela zatiketarik egongo eta zuhurtzia, hitza eta itunez konponduko dela”.

Hauteskunde aurreratuak

Bai, hori gertatuko da seguruenik A9ko galdeketaren ondoren. Egun hauetan inkesta oihartzun handia egon da eta La Vanguardiako Enric Julianak, berak fidagarritasun handia ematen dion Jaime Miquel analista valentziarrak inkestez Kataluniarako atera duen ondorioa eskaintzen du  (zerrenda bateratu barik eta alderdi bakoitza bere kabuz aurkeztuko balitz): CiU, 34; ERC, 33; Podemos, 16; PSC, 15; PP, 12; ICV, 9; C’s, 8, CUP, 8.

Normal
0

21

false
false
false

ES
X-NONE
X-NONE

MicrosoftInternetExplorer4

/* Style Definitions */
table.MsoNormalTable
{mso-style-name:”Tabla normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin-top:0cm;
mso-para-margin-right:0cm;
mso-para-margin-bottom:10.0pt;
mso-para-margin-left:0cm;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-hansi-font-family:Calibri;
mso-hansi-theme-font:minor-latin;
mso-fareast-language:EN-US;}