Doire, britainiarren kulturaren hiri 2013an

2013-10-07  //  Kulturgintza, Nazioartea  //  Iruzkinik ez

Erresuma Batuko 2013ko Kulturaren Hiria da Derry (errepublikarren izena), Londonderry (unionistena eta ofiziala), Doire gaelikoz. 1995, 1996 eta 1998an izana nintzen bertan, bakoitzean astebetez. Harrezkero bakeak hiria dezente aldatu duen inpresioa dut, batez ere tentsioari dagokionez. Gatazkaren arrasto ugari dira oraindik, komunitate banaketak hor jarraitzen du, baina ez orduan bezain bortitz. Garai haiek IRAren su-etenaren lehen urteak ziren,  1996an su-etena hautsi ere egin zen, baina azkenekoz. Orain talde errepublikar eta protestante txiki batzuk borroka armatuarekin jarraitzen dute, baina ez dute lortu bake prozesua baldintzatzea. Gobernu britainiarrari ez zaio interesatzen, bistan da. Kontrastea egiten du Euskal Herriko prozesuarekin, hemen bake prozesua hondoratzeko ahaleginik handienak Espainiako Gobernutik datoz, Herrira-ren aurkako azken sarekada horren erakusle. (gehiago…)

Dublin, The Temple Bar-etik ospitalera

2013-10-05  //  Gizartea  //  Iruzkinik ez

(Irlandan jaso eta ikusitako gertaerekin bildutako ezpalak dira ondorengoak)

Dublin, Tallaghgt-eko Ospitala. Bada saltsarik Dublingo erdigunean. Bi egun egin behar genituen bertan eta azkenean zazpi igaro dira. Hori bai, ospitalean, alaba nagusiak apendizitisa izan zuen eta. Horrek osasun sistemari buruzko ezpal batzuk biltzeko aukera ematen du. Eta bat da estu dabiltzala diruz. Mediku gutxi dago, akaso opor garaiagatik (abuztua)? (gehiago…)

Derryn ere atez ate, baina…

2013-10-03  //  Gizartea  //  Iruzkinik ez

Oraingo nire bizilekuan, Irlandako Derryn, hondakinak atez ate biltzen dituzte, bi multzotan: ostiral batean organikoa eta errefusa dena batera, hurrengo ostiralean plastiko, paper, beira… dena nahasian. Bi edukiontzi daude etxeko kanpoaldean eta han doaz pilatzen multzo biak. (gehiago…)

EAJ-PSE, esparru baten bidea

2013-09-19  //  Sailkatugabeak  //  Iruzkinik ez

EAJ eta PSE-EEren arteko akordioaren sinadura ekitaldia (Arg: Irekia.euskadi.net)

Estrategia bat. Eman zaion doinua eta jorratzen dituen gaiak ikusita, itun estrategiko gisa ikus liteke EAJren eta PSE-EEren arteko akordio hau. Gaur egun, politikan eta ekonomian estrategikoa esatea askotxo da, baina  bestetik, Euskal Herrian behintzat, noizbait zentzua badu orain da, ETAren ondorengoa jorratzen ari denean. Pentsa liteke datozen hiruzpalau urteetan jarriko diren oinarriek, euskal gizartearen datozen 10-15 urteetarako norabidea finkatuko dutela.  Alde horretatik, EAJk eta PSE-EEk zeharkako politika ospetsuen aldeko apustu argia egin dute. Ikuspegi sozialetik bitxia bada ere, ikusten denagatik, PP errazago erakarriko dute akordiora, sindikatu eta bestelako eragile sozialak baino. (gehiago…)

Ernest Maragall: 2013-14rako gakoak

2013-09-11  //  Nazioartea, Politika  //  Iruzkinik ez

Ernest Maragall, NECeko lehendakaria

Ernest Maragall Hezkuntza sailburua izan zen PSC, ERC eta ICVren gobernuan. PSCren sortzaileetakoa, iaz atera zen alderditik eta Nova Esquerra Catalanaren (NEC) sorrera bultzatu zuen. Gaur egun, alderdi honetako kontseilu politiko lehendakaria da. Vilaweben argitaratu duen artikuluan zazpi gako aurreikusten ditu 2013-14 ikasturterako. Hona laburpena: (gehiago…)

Hiru iritzi 2016ko plebiszituaz: Partal, Cot eta Antich

2013-09-06  //  Nazioartea, Politika, Sailkatugabeak  //  Iruzkinik ez

Artur Masen proposamenak hautsak harrotu ditu.

Moncloatik Kataluniako 2014ko erreferenduma baimentzen ez bada, 2016an plebiszitu moldeko hauteskundeak deituko dituela barreiatu du Kataluniako Gobernuko Artur Masek. Atzoko egunaren amaieran, hala ere, 2014ko erreferenduma bai ala bai egingo dela zehaztu zuen.

Eta, Via Catalanaren bezperetan, zalantza eta nahasmendua barreiatu ditu han-hemenka. Hona hiru mediotako zuzendarien iritziak:

(gehiago…)

Bake ponentzia zoru etikoan kateatua

2013-09-05  //  Politika, Sailkatugabeak  //  Iruzkinik ez

Irailaren 13an da biltzekoa berriz ere Bake Ponentzia Eusko Legebiltzarrean, baina joan den asteartean PSE-EEko buru Patxi Lopezek iragarri zuen bere alderdia ez dela bertan izango EH Bilduk zoru etikoa onartzen ez badu. Ondoren, Jose Antonio Pastor PSEko bozeramaileak zehaztu egin zituen Lopezen hitzak, esanez, batzordearen bilera urrira arte atzeratzea eskatuko dutela, horrela EH Bilduri azken aukera bat emateko zoru etikoaz posizio garbi bat har dezan. (gehiago…)

EBren etorkizuna? Ongizatean eta borrokan

2013-09-03  //  Ekonomia, Nazioartea, Politika  //  Iruzkinik ez

“Euroaren krisi osteko Europa: zilegitasuna, demokrazia eta justizia” kongresua ari dira egiten atzo eta gaur Bilbon Globernanceren eskutik eta han egindako hainbat hausnerketa entzun eta irakurri ondoren, batek pentsatuko luke Europa ez dela bizitzen ari 1939tik bizi duen krisi ekonomiko sakonena. (gehiago…)

Krisitik ateratzen (67. kapitulua)

2013-08-28  //  Ekonomia  //  Iruzkinik ez

Krisia gainditzeko zantzu batzuk azaleratzen ari direla entzun eta irakurtzen ari gara abuztu hasieratik. Gurean, Urkullu lehendakariak ere aipatu du txarrena pasatu dela. Eta zertan oinarritzen da baikortasun hori? Besteak beste, Eurostateko estatistiken arabera, eurogunean urteko lehen bi hiruhilekotan BPGaren hazkundea positiboa izatean (bigarrenean, adibidez,% 0,3ko hazkundea). (gehiago…)

Rikardo Arregi versus Iñigo Iturrate

2013-06-29  //  Hedabideak, Politika  //  Iruzkinik ez

Lander Arbelaitz Ertzaintzak eraso baino segundu batzuk lehenago, ARGIAko agiria eskuan.

Gaur, Lander Arbelaitz ARGIAko kazetariak Rikardo Arregi Kazetaritza Sariaren aipamen berezia jaso du Donostiako Aske Gunean egindako lanagatik. Andoaingo Udalaren saria da, Eusko Jaurlaritzaren babes ekonomiko eta instituzional handia duena. Idurre Eskisabel epaimahaikideak eman ditu sariaren arrazoiak: “Minutuz minutu egindako lanarekin informazioarekiko konpromisoa erakutsi duelako, lan hori imajinazioz eta profesionaltasunez jorratzeagatik, agintarien kontroletik ihes egiten duen kazetaritza lantzeagatik, teknologia berrien erabilpenagatik…”. (gehiago…)