Tortura Radio Euskadiko Ganbara-n

2010-09-22  //  Politika  //  2 iruzkin

Atzo Radio Euskadiko Ganbara irratsaioko zati bat entzun nuen, tertuliaren zati bat, zehatz esanda. Hiru emakumezkoetatik bat iaztik ezagutzen nuen, El Correo-ko kazetari Olatz Barriuso, beste biak ez, Natalia eta Rosa. Iñaki Iriondo zen laugarrena, Gara-ko kazetaria eta Ganbara-n urte luzez ari dena. ETAren azken agiriaz eta honi emandako erantzunaz ari ziren tertuliakideak. Gauza asko esan litezke han entzundakoez, baina hiru ondorio labur aipatuko ditut hemen:

(gehiago…)

“Eta hala ere, mugitzen da”

2010-09-20  //  Politika  //  Iruzkinik ez

KATUA ETA SAGUAREN jolasaren antza hartzen ari da ETAren komunikatu eta ezker abertzalearen berehalako balorazioena. Eta abestian ez bezala, oraingoan bada su-etenik: “baldintzarik gabekoa, iraunkorra eta atzeraezina”. Irailaren 5ean, ezker abertzalea agudo arduratu zen ETAren komunikatua bere testuinguruan jartzen eta orain ere berdintsu. (gehiago…)

Su-etena: Iparraldekoen begirada Euskal Irratietan

2010-09-17  //  Politika, Sailkatugabeak  //  Iruzkinik ez

Atzo su-etenari buruzko mahai-inguru batean parte hartu nuen Gure Irratiak Uztaritzen (Lapurdi) duen egoitzan. Jojo Bidarten gidaritzapean, Battitta Larzabal, Mixel Bidegain eta hirurok ordu betez jardun genuen ETAren iragarpenak ekarri duen egoeraz eta aurrera begira zabal daitezkeen aukera berriez. (gehiago…)

Estatuaren logika: garaipen erabatekoa

2010-09-13  //  Politika  //  Iruzkinik ez

ESPAINIAKO GOBERNUAK ez ikusiarena egin dio ETAren iragarpenari, publikoki bederen. Eta bai, indar harremanak daudenean egonda, ez da ulergaitza jarrera hori, irabazlearena egitearena alegia. Baina gatazketan aritutako edozeinek daki horrek ez duela zauria ondo itxiko, inteligenteagoa dela gatazkaren ondorio humanoak konpondu, ondoren lehia politiko normalizatuari ateak irekiz. (gehiago…)

Testuinguruaren indarra: bi agiri elkarri begira

2010-09-06  //  Politika  //  Iruzkinik ez

Ez da Agiria izan, baina agiri ona da. Agiria bere testuinguruan, hori da bere indargunea orain. ETAk beste su-eten baten berri eman du terminologia bitxi baten bidez, eta ezker abertzaleak kokatu egin du: Zutik Euskal Herria-k finkatutako testuinguruan dago, Bruselako Adierazpena betetze bidean doa, eta prozesu hau atzeraezina da. (gehiago…)

Donostiako hotelekoen protagonismoa

2010-09-05  //  Politika  //  Iruzkinik ez

Hau ez da Agiria, baina agiri ona da. Hori da gutxi gora-behera ETAk gaur emandako berriari  egin zaion balorazio orokorra. Espero zen zerbait eta etorri da. Aspaldi esaten zen ETA iragarri gabeko su-eten batean zegoela, eta gaur hala zela iragarri du. Bai, badakit  zehazki  “eraso ekintza armaturik ez burutzeko erabakia” esan duela eta horrek izango duela esanahiren bat  prozesuaren nondik norakoak gertutik eta zehatz-mehatz ezagutzen  duenarentzat. Baina gehienontzat ez. Une honetan garrantzitsuena da atentaturik ez izatea eta  ETAk hori bere erabakia dela jakinaraztea. Horrek ezker abertzaleak iaz Altsasuko Adierazpenarekin zabaldutako prozesuak aurrera jarraitzea ahalbideratzen du.

(gehiago…)

Kale borroka, su-etena, hauteskundeak

2010-08-30  //  Politika  //  Iruzkinik ez

ONERAKO edo txarrerako, hasi berri den ikasturte honetan gertakizun klabeak izango direla antzematen dugu gehienok, batez ere normalizazio politikoaren eta bakegintzaren eremuan. Hainbat arrazoirengatik, ezinbestekoa da orain arteko ildo garrantzitsuak indartzea edo ahultzea. Gura ala ez, denok gaude ETAk Bruselako Ekimenari erantzungo dionari begira. Halakoetan era guztietako datak eta zurrumurruak zabaltzen dira, gehienak modu interesatuan bideratuak. Bolo-bolo dabil irailean zerbait garrantzitsua gertatuko dela, El País-ek eta Vocentoko medioek ETAren su-etena izan daitekeela ere idatzi dute iragan asteburuan.

(gehiago…)

Krisia ate joka… diru-laguntzak behera

2010-07-26  //  Euskara, Hedabideak  //  2 iruzkin

ARGIA-KO kazetari gehienok abuztuan egiten dugu opor, gure irakurleak ezagun duen moduan abuztuan ez baita aldizkaririk kaleratzen. ARGIA.com-ekoak geratzen dira lanean. “Deskonektatu eta indarrez itzuli”, luzatzen diogu elkarri. Hala behar du eta horretan saiatuko gara, baina uztailean egin dugun akziodunen batzarrak ez du aho-zapore onik utzi. Krisia ate joka da.

(gehiago…)

San Marko, bozgorailu eta sinbolo

2010-07-19  //  Gizartea, Politika  //  Iruzkinik ez

EAJ, PSE ETA H1 lasai dira dagoeneko, Ezker Batuko lehendakari Ricardo Ortega San Markoko Mankomunitatetik kentzea lortu dute, orain arte erakunde honetan EBk eta ANVk zuten nagusitasuna hautsiz. Ez ei da Usurbil, Hernani eta Oiartzunek indarrean jarri duten zaborren atez ateko bilketari aurre egiteko. Baina bai, agerikoa da baietz. Mankomunitatearen kudeaketa txarra aipatu da kargugabetzearen arrazoi gisa, baina aginte aldaketa hau oraintxe eman da, justu Hernani eta Oiartzun atez ateko bilketari ekin eta bizpahiru hilabetera. (gehiago…)

Gero eta argiago… independentzia

2010-07-12  //  Ekonomia, Politika  //  Iruzkinik ez

ESPAINIA Munduko Koparen txapeldun izateak ez lituzke abertzaleon neuronak txarrera berotu behar, burua hotz mantenduz gero behintzat. Ospa dezatela lasai garaipena, udazkenean izango dutela –dugula– porroterako astirik. Gogoratzen? Lan erreforma, krisia… (gehiago…)