Katalunia: autonomia edo independentzia

2010-07-05  //  Ekonomia, Nazioartea, Politika  //  Iruzkinik ez

GREBA OROKORRA 2009ko maiatzean egindakoaren gisakoa izan den irudipena dut. Eskualde zehatz batzuk kenduta ez da greba orokorrik izan, are gutxiago Hego Euskal Herri mailan. Baina hori, orduan moduan, orain ere jakina zen. Espainiako gobernuak bultzatutako lan erreformaren aurka egitea zen helburu zehatza eta krisiaren aurrean interes publikoa eta sektore ahulenen defentsan jarraitzea helburu orokorragoa. (gehiago…)

Presioa eta presioa… diruak agindu ez dezan

2010-06-28  //  Ekonomia, Nazioartea  //  Iruzkinik ez

BIZI NAIZEN etxeko hipoteka-mailegua eskuratu genuenean, orain hamairu urte, haren jabetza eskriturak zioen etxeak 20 milioi pezeta (120.000 euro) balio zuela. Ezin genuen hori baino diru gehiago eskatu etxea erosteko maileguan. Kontua garbia zen. Bankuak gure hipoteka saldu nahi izan bazuen, paketetxoa batzen zuen paperean argi geratuko zen hipoteka-mailegu hori 20 milioi pezeta balio duen etxe batean oinarritua dagoela. (gehiago…)

Eta orain Nafarroan zer?

2010-06-21  //  Politika  //  Iruzkinik ez

IRAKURKETA ugari egin daitezke ezker abertzaleak eta EAk joan den igandean sinatutako akordioaz. Pentsa liteke Batasunak topatu duela hauteskundeei aurrez aurre begiratzeko lurreratze pista. Edota EAk bere zailtasun politikoetarako aireratze pista. Akordio honetan ez dagoela ezer berririk, edo ez dela behar beste aldentzen ETArengandik, edo ea nola gauzatuko den elkarlan hori hainbatetan hain desberdinak izanik… Pentsa daitezke makinatxo bat gauza eta hedabideetan ere era guztietako iritziak ispilatu dira. Baina zalantzan jarri ezin dena da era honetako akordioek abertzaleen artean, oro har, sortzen duten esperantza eta ilusioa. Orain zuzendaritzen artean jositakoa oinarrietara eramaten asmatu beharko dute. (gehiago…)

Protesta, aldarrikapena, alternatiba

2010-06-14  //  Ekonomia, Politika  //  Iruzkinik ez

“BIZI dugun krisi larritik ateratzear gaudenean, langileek honen aurrean erakutsitako aldartea, zentzua eta jarrera arduratsua” azpimarratu zuen Jose Luis Rodriguez Zapaterok joan den azaroan Iruñean, UGTren Metal, Eraikuntza eta Hurbilekoen 25. Kongresu Federalean. Bake sozialari eutsi izana ez zuela “inoiz ahaztuko” eta “bihotz bihotzez eskertuta” zegoela adierazi zien kongresukideei. (gehiago…)

Estrategikoa dirutan neurtzen denean

2010-06-07  //  Euskara, Hedabideak, Politika  //  Iruzkinik ez

PRESOEN hiru abokatu eta beste zazpi lagun atxilotu zituen joan den apirilean Guardia Zibilak eta operazio hori gauzatzeko banatutako agiriaren berri izan da joan den astean. Aspaldi genekien hor kontatutakoa, baina hotzikara sortzen du hain zehaztua ikusteak. Harribitxi ugari du agiriak, baina muina esaldi honetan da: «Atxilotuak tratatzeko moduaren helburua hau izango da: adierazpenen bat lortzea, akusazio judizialak berreste aldera». Tortura eta tratu txarrak alegia. Atxilotuetako batzuei errezeta hori, besteei “tratu bikaina”. Eta operazio horretan, zehatz-mehatz bete zen agindutakoa, atxilotuek gerora jakinarazitakoaren arabera: hiru abokatuek eta Erramun Landa EHUko irakasleak ez zuten torturarik jaso eta beste seiek tratu txarrak, kolpeak eta bestelako irain ugari jaso zituzten. (gehiago…)

Zain dago ama, zain aita

2010-05-31  //  Politika  //  Iruzkinik ez

ETA-REN su-etenaren zain dago ezker abertzalea, zain euskal klase politikoa, zain euskal gizartearen gehiengoa. Isilpeko su-etenetik aitortutako su-etenerako jauzia litzateke, denak adierazten baitu ETAk atentaturik egiten ez badu, hori bakarrik uler litekeela ezker abertzaleak daraman prozesuaren baitan. (gehiago…)

Erresistentzia

2010-05-24  //  Ekonomia, Politika  //  Iruzkinik ez

(ARGIAko 2232. zenbakian argitaratua)

Zapaterok ba ote du beste alternatibarik nazioarteko finantza merkatuen presioaren aurrean? EBko estatu indartsuenen –eta funtsean Alemaniaren– presioen aurrean?

Patxi Lopez eta diputatu nagusiek ba al dute alternatibarik? Ez, ez dute. Gerrikoa estutu behar da eta kito. Eta arazo nagusia ez da gerrikoa estutzearena, nola estutzen den baizik. Erabat desberdina baita gerrikoa neoliberalismoaren indarrak hasetzeko moduan egitea, edo herritarren beharrak oinarritzat hartuta. (gehiago…)

Babesa eta arnasa hartzea

2010-05-17  //  Ekonomia, Gizartea, Politika  //  Iruzkinik ez

Iruñeko manifestazioa balore handikoa da Nafarroako euskaldun eta euskaltzaleentzat. Euskaldunok minoria gara, are gehiago euskaraz bizi garenok, baina populazioaren zati oso handi baten laguntza eta sostengua dugu. Ez da nahiko, zalantzarik gabe, prozesu linguistikoen garapenak hizkuntzaren erabilerari lotutako beste erabateko sostengu eta bilakaera behar baitu. Ez da nahiko, baina bai ezinbestekoa, masa sozial handi hori gabe Nafarroan euskarak nekez lor baitezake igeri egin ahal izateko behar duen ura. (gehiago…)

Jabegoaren banaketa funtsezkoa da

2010-05-13  //  Ekonomia  //  Iruzkinik ez

Aurreko batean egin nizkion aipamen pare bat “El éxito fue la confianza” (Koldo Saratxaga, Jabi Salcedo) liburuari. Batean, irakurritakoa kontuan hartuta ARGIA nola ikusten nuen aipatzen nuen; bestean espezializazioa eta polibalentziaz jardun nuen, Jabi Salcedok ezagutzaren inguruan zituen tesiekin bat eginez. Eta orain enpresen jabegoaz aritzeko unea da. Beraiek funtsean zera diote: Harreman Estilo Berrian oinarrituz enpresan funtsezkoena pertsonak dira eta hauei, besteak beste, konfiantza, parte hartzea, sormena, askatasuna, erabakietan parte hartzea, talde lanean aritzeko aukera… emanez gero, enpresa edo erakunde arrakastatsua izango da. Izaera juridikoa –kapitala noren esku dagoen– ez da hain garrantzitsua, kapitalak erabakiak hartzen baditu ere, horiek gero pertsonek gauzatzen baitituzte.

(gehiago…)

Navarro ez dago burtsak bezain pozik EBrekin

2010-05-11  //  Ekonomia  //  Iruzkinik ez

Atzo egun handia izan zen Europako burtsentzat eta igoera itzelarekin eskertu zuten krisian dauden euroguneko estatuei laguntza emateko Europako Batasunak plana adostu izana. Eta komunikabide gehientsuenek ere pozik egon behar zela iradokitzen zuten bakoitzak bere moldean. (gehiago…)