Aldaketaren indarren koalizioak hiru senatari lortu ditu Nafarroan

2015-10-22  //  Politika  //  Iruzkinik ez

Horixe izan daiteke abenduaren 20ko gaueko albistea, baieztatzen bada Senaturako hautagaitza bateratua aurkeztuko dutela Geroa Bai, EH Bildu, Ahal Dugu eta Ezkerrak.

Oraindik, alabaina, asmoa jorratzen hasi besterik ez direla egin segurtatu dute lau indarretako bozeramaileek. Nafarroari dagozkion lau senatoretik hiru lituzke koalizioak eta bestea UPNrentzat litzateke. (gehiago…)

Jaurlaritza eta HNT gertu diagnostikoan: irteera ordenatua estu dabil

2015-10-16  //  Politika  //  Iruzkinik ez

Alberto Spektorowsky eta Brian Currin irailean bildu ziren euskal gizarteko hainbat talderekin.

Bi eguneko tartean Eusko Jaurlaritzak eta Harremanetarako Nazioarteko Taldeak (HNT) ETAren amaiera ordenatuari buruzko diagnosia egin dute. Modu eta doinu desberdinean formulatuta ere, Bake eta Bizikidetza Idazkaritza eta HNT nahiko ados daude diagnostiko orokorrean. Jonan Fernandezek zuzentzen duen idazkaritzak amaiera antolatuari blokeoa jarri zaiola uste du eta Brian Currinek gidatzen duen HNTk prozesua “egoera kritikoan” dagoela. Biak ados daude, halaber, bizikidetza eta biktimen esparruan egindako lana onuragarria izan dela eta bide onean doala. (gehiago…)

Espainiak independentista eta soberanistak berriz batu dituenean

2015-10-14  //  Nazioartea, Politika  //  Iruzkinik ez

Irene Rigau eta Joana Ortega epailearen aurrean deklaratzera doazen unean.

Joana Ortega Generalitateko lehendakariorde ohia eta Irene Rigau Hezkuntza Sailburuak asteartean eman zituzten azalpenak  Kataluniako Justizia Auzitegi Gorenean. Hilaren 15ean, osteguna, Artur Masen txanda izango da, frankistek Lluís Companys lehendakaria hil zutela 75 urte beteko diren egunean. Testuinguru honetan mugimendu ugari ari dira izaten Katalunian. Hemen azpimarra daitezkeen hainbat puntu. (gehiago…)

Lizentzia eta… lehertu zen festa

2015-10-01  //  Euskara, Hedabideak  //  Iruzkinik ez

Iruñerriko euskal munduaren ispilu zen asteazken gauean Iruñeko Zentral Kafe Antzokia. Eta Nafarroak bizi duen aldaketarena ere bai. Euskalerria Irratiak 27 urteren ondoren lizentzia lortu duela ospatzen guztiak. (gehiago…)

Hasi da independentzia prozesua

2015-09-28  //  Nazioartea, Politika  //  Iruzkinik ez

Independentzia ikusten da. Oraindik ez dakigu zer gertatuko den etorkizun hurbilean. Inork ez daki, baina orain bai, orain independentzia ikusi eta sinetsi egin liteke. Botoen %48 lortzea sekulako emaitza da eta iragartzen du erreferendum ofizial batean independentismoak irabazi egin lezakeela. %77 parte hartze oso handia da eta Catalunia Si Que es Pot-eko boto soberanistaren zati handi bat ere beregana dezake, orain CUPek sektore horretan kosk egin duen gisan. (gehiago…)

Aldaketaren sanferminak, apurka ohitzen

2015-07-08  //  Gizartea, Politika  //  Iruzkin bat

Esparru sinbolikoan asko dira Iruñeko Udalean bizitzen ari diren aldaketak, horietako gehienak iruindarrek euren egunerokoan nabaritzeko gisakoak. Euskararen erabilera, gizarte taldeek udaletxera izan duten sarbidea, Joseba Asiron alkateak nola egin duen jausi kalera, Gure Esku Dago ekimenean izan zen Iruñeko zezen plazan, txupinazoa Iruñeko Orfeoia eta La Veleta peñaren eskuetan uztea… (gehiago…)

Nafarroako gobernu berriaren programa laburpena

2015-07-04  //  Politika  //  Iruzkinik ez

Sei alor handitan banatzen da Geroa Bai, EH Bildu, Ahal Dugu eta Ezkerrak adostutako gobernu programa, dena 74 orrialdetan bildua eta 615 neurri zehatzetan finkatua. Ondorengo bloke guztiak ez datoz zehatz-mehatz bat programan agertzen direnekin, hauetako batzuk azpiatalak direlako. Dena indarrean jartzea ezinezko izango bada ere, horietako asko aurrera ateraz gero, esparru bakoitzean iraultza txiki bat gerta liteke. (gehiago…)

Ay, ezezkoak irabaziko balu!

2015-07-02  //  Ekonomia, Nazioartea  //  2 iruzkin

Euskal Herritik hori esatea samurra dela esan dezake norbaitek eta hala da, ez daukagu hainbeste irabazteko edo galtzekorik. Baina badugu bai. Batetik, azken urte luzeetan bizitzen ari garen finantza krisiak ekonomia zein mailatan dagoen lotua erakusten digu, zeresanik ez guk ere eurotan ordaintzen dugunean. Eta bestetik, Grezia erresistentzia eta duintasunaren eredu bilakatu da. (gehiago…)

Asiron alkate berria eta udal plaza lepo Iruñean

2015-06-13  //  Politika  //  Iruzkinik ez

Joseba Asiron Iruñeko alkate berria udaletxeko balkoian. (Arg.: EITB)

Bukatu da udalbatza berriaren bozketa eta Iñaki Cabasés Geroa Baiko zinegotziak eman du albistea: “14 botorekin, Joseba Asiron da Iruñeko alkate berria”. Pentsatzekoa zen, baina entzundakoan bakarrik askatu da iruindar askoren errailetako tentsioa. Eta horrekin batera udal plazan festak festaren gainean egin du eztanda. Hango poza, besarkada, muxua, kantua, dantza, argazkia… (gehiago…)

Esker ona eta aldaketa izan ziren protagonista Anaitasunan

2015-04-26  //  Sailkatugabeak  //  Iruzkinik ez

Euskaldunez ondo betea zegoen Anaitasuna larunbat arratsaldean. (Arg.: X. Letona).

Harresia eta zutabeak izan ziren larunbat arratsaldeko sinbolo Kontseiluak Iruñeko Anaitasunan antolatutako ekitaldian. Nafarroan euskaraz bizitzeko ezinbesteko den etxearen zutabeak eraiki eta hauek behin eta berriz eraisten zituztenak, horiexek protagonistak. Anaitasunako euskaldunei oholtzan harresia altxa dieten mamu ilunak eta ekitaldiaren amaieran hauei jende harresia eraiki dieten ikus-entzuleak. Eraiki eta desegin, eraiki eta desegin, bertan bildutakoek samur ulertzen duten metafora da: Nafarroa. (gehiago…)