ETBren esklusiba: Bizkaiko errauskailuko zaborrak piruleta bihurtzen dira

ETBk Zabalgarbiri buruz egindako erreportajea ikusi duten ikusleen osasuna ere asko hobetu da.

ETBren albistegiek baieztatu dutenez, Bizkaiko Zabalgarbi errauskailura eramandako hondakinak piruleta, goxoki eta erregaliz bihurtzen dira prozesuaren amaieran. Otsailaren 17an Zabalgarbiri buruz egindako publizINFORMAZIOARI segida emanez aste honetan emititu duten ordubeteko dokumentalean eman dute esklusiba. Gainera, Zabalgarbik ekoizten dituen goxokiek argaltzen laguntzen dute, kolesterola jaitsi eta, helduengan, sexu-gogoa handitu, ETBren arabera. Inguruko bizilagunek “ondo izorratuta” daudela esaten dutelako atera dute ondorio hori.