2497-54_02

Oscar Fresón Rebelde, jotak kantatzen daukan abilezia erakusten

Hiri Buruzagian euskarazko bi haur eskola publiko berri irekitzearen inguruan daukan jarrera argitu du, azkenik, Oscar Fresón Rebelde Ahal Duguko bozeramaileak.

Beranduegi: Orduan, bi haur eskola berri bai ala ez?
Oscar Fresón: Gu ez gaude euskaldunon eskubideak bermatzearen kontra. Baina ezta euskara inposatzearen alde ere.

B: Ez duzu erantzun…
OF: Bueno, aber, zer da alde eta zer kontra? Zer da “bai” eta zer “ez”? Guk nahiago dugu “berria” eta “zaharra” esan, “kasta” eta “jendea”. “Agian”, “beharbada” eta “auskalo” dira politika berriaren hitzak.

B: A-ha. Oraindik ez duzue Madrilgo deirik jaso nola jokatu esanez, ezta?
OF: Madril? Aizu, guk hemen erabakitzen dugu, e! Hemengoak gara, e-ra-bat hemengoak! Begira nola kantatzen dudan jotica bat.