Elkartasunetik konpromisora pasatzeko momentua dela uste du Gure Esku Dago plataformak eta, Artur Mas epaitegietara bidean ikusi ondoren, Iñigo Urkullu ere epaitu dezaten eskatuko du. “Kataluniarrekin bat egiten dugula adierazteko garaia pasa da, euskaldunok ere erabakiaren aroan sartu nahi badugu gure ordezkari politikoak epaitzea da hurrengo urratsa, han egiten ari diren bezala”, esplikatu du Baratze Nikanor Gure Esku Dagoren bozeramaileak. Orain Urkullu konbentzitzea besterik ez zaie falta, baina adierazi dutenez, negoziazioak bide onean dira: “Guk dagoeneko bermatu diogu ez dugula egiten duen ezer kritikatuko. Orain zain gaude independentzia prozesua abiatzeko noiz deituko digun, baina aste honetatik ez da pasako, hori uste dugu”.