EAJk ofizialki zabaldu duenez, aurten ez da Alderdi Egunik ospatu COVID-19aren aurkako neurriak direla-eta. Kauldi Ibinarriagabeitia alderdikideak Beranduegiri azaldu dionez, ordea, jeltzaleek ohiko moduan ospatu dute aurten ere alderdiaren jaia, baina oso jende gutxi joan da eta segurtasun neurrien aitzakiarekin estali nahi izan dute. “Forondara iritsi eta horrek Sahara ematen zuen. Batzokiz batzoki galdezka hasi ginen ea zer kristo. Total, afiliatu pila bat akatu duela birusak, klaro, gazte-gazteak ere ez gara honezkero eta… Azkenean Joseina Etxeberriaren disko-festa ere suspenditu behar izan genuen”. EAJk azkeneko hauteskundeetan botoa emateagatik kutsatu eta hil ziren militanteei omenaldia egingo die “hildako gudariek merezi duten bezala” eta plan bat martxan jarri du gazteak bazkidetzera animatzeko. “40-50 urteko jendearen odol berria behar du Euzkadik”, azaldu du Ibinarriagabeitiak.