Atxikimenduzko hazierari kritikak

2013-07-31  //  Aitatasuna, Amatasuna, Atxikimendua, Edoskitze naturala, Ohea partekatzea, Soinean eramatea  //  Iruzkinik ez

Gehiengoak haurrak hezteko duen modua ez den beste batean gauzak egiten badituzu, kritika asko entzun beharko dituzu (eta batia astakeria asko ere). Hemen, egunerokoan, edo nahiko maiz entzun ditzakezun (eta guri esan dizkiguten) gutxi batzuk besterik ez dituzu topatuko.

Horrelakoei aurre egiteko gomendiorik onena: inori ez kasurik egitea. Zuk (edo zuek) sentitzen duzuena egin, eta funtzionatzen badu, horrekin jarraitzea. Eta gogoko ez duenari, musu bat bidali, maitasunak hitz itsusiek baina eragin handiagoa du eta:

(gehiago…)

Amen esnea minbizia duten gaixoentzat.

2013-07-29  //  Edoskitze naturala, Ikerketak  //  5 iruzkin

Amen esneak haurtxoentzat dituen onura batzuk aipatu ditut orain arte (ezin denak zerrendatu asko eta asko dira eta). Baina amen esnea ez da soilik ona haurtxoentzat. Bestelako kasuetan ere erabiltzen hasiak dira zenbait tokitan. Adibidez, minbizia duten gaixoentzat.

(gehiago…)

Edoskitze artifizialaren arriskuak (Ikerketekin)

2013-07-25  //  Edoskitze artifiziala, Elikadura, Ikerketak  //  Iruzkinik ez

Haurtxoen edoskitze moldea gurasoen erabakia dela berriro azpimarratuz, eta erabaki hori informazioarekin hartu behar dela erabat sinetsita hemen zenbait ikerketen ondorioak laburbilduko ditut.

Dena den, azpimarratu behar dut formulako esneen inguruan, ikerketa etengabekoa dela, eta geroz eta kalitate handiagoko eta arrisku gutxiagoko produktuak sortzen ari direla. Zuen haurrei biberoia emateak ez du esan nahi, honako sintomak edo gaixotasunak garatuko dituztenik, estatistikoki aukera handiagoak dituztela baizik.

(gehiago…)

Edoskitze artifizialaren arrisku orokorrak

2013-07-24  //  Edoskitze artifiziala  //  Iruzkinik ez

Asko dira edoskitze artifiziala gomendatuz edo errazagoa eta hobea dela entzuten diren gezurrak. Edoskitze artifiziala ez da inondik inora hobea. Edoskitze artifiziala ez da errazagoa (lan gehiago eskatzen du biberoiak garbitu, prestatu, esterilizatu…). Eta uste duguna baina arrisku gehiago dakartza.

(gehiago…)

Igerilekuak eta edoskitzea. Zer ari da gertatzen?

2013-07-19  //  Amatasuna, Berriak, Edoskitze naturala  //  Iruzkin bat

Erandioko gertakariaren ondoren, atzo Fadurako igerilekuko eremutik beste ama bat kaleratua izan zen bere 7 hilabeteko haurtxoari bularra ematen egoteagatik. Ama hau, igerilekutik urrun samar dagoen eserlekuan ari zen bularra ematen eta igerilekutik joateko eskatu zitzaion.

Guztiz kezkagarria da, ama batek bere haurrari bularra emateagatik alde egin behar izatea. Are kezkagarriagoa leku askotan gertatzen ari dela entzutea. Zer ari da gertatzen igerilekuetan? Zerk darama pertsona bat bularra ematen ari den amarengana hurbildu eta kanpora dezakela pentsatzera? Zer gertatzen da amaren eta haurtxoaren eskubideekin? Zein araudik debekatzen du bularra ematea?

(gehiago…)

Formulako esneari mugak (I). Europar Batasuna.

2013-07-19  //  Berriak, Edoskitze artifiziala  //  Iruzkinik ez

Europar Batasuneko Parlamentuak urte betez azpiko haurtxoei zuzenduriko formula esneen ontzietan eta publizitatean haurtxoen argazkiak agertzea debekatu du. Helburua argi utzi nahi izan dute gainera: edoskitze naturala babestea.

Hasierako (jaiotzetik sei hilabetera) zein jarraipenerako (sei hilabetez aurrerako haurtxoentzat) formulako esnean haurtxoen argazkiak debekatzeaz gain, esne hau idealizatzen duten mezu edo esloganak ere debekatu dira. Honetaz gain, formulako esneak zein haurtxoei eta behar bereziak dituzten gaixoei (zeliakoak, diabetikoak…) zuzenduriko produktuek izan ditzaketen osagaiak ere mugatu dira eta pestiziden presentzia ahalik eta baxuena bermatu nahi da.

(gehiago…)

Haurra negarrez dagoenean, bakarrik utzi?

2013-07-17  //  Aitatasuna, Amatasuna  //  4 iruzkin

Bitxia egiten zait heldu bat negarrez ikustean ingurukoek babesa eman eta lasaitzen saiatzen igarotzen duten denbora eta hartzen duten ardura ikusi ondoren, euren haurrak negarrez egon eta jaramonik egiten ez dien gurasoen aurrean egotea. Bitxia eta gogorra, oso gogorra.

(gehiago…)

Txinatarren altxor preziatua

2013-07-15  //  Berriak, Edoskitze naturala, Elikadura  //  Iruzkin bat

Amen esnea salgai

Amaren esnea da Txinatar dirudunen artean orain dagoen altxor preziatuetako bat. Altxor zuria deitzen diote eta amen esnea edan ahal izateko dirutza ordaintzen dute punta-puntako enpresariek eta dirudunek.

2000 eta 3000 euro artean ordaintzen da amen esnea kontsumitu ahal izateko, bai botiletan, aurrez izozturikoa edota amen bularretik zuzenean. Saltzen den kopurua 50ml eta 150ml artekoa izaten da, eta maiztasuna astean behin, birritan edo hirutan.

(gehiago…)

Bular emate masiborako deia Euskal Herrian

2013-07-12  //  Berriak, Edoskitze naturala  //  Iruzkinik ez

Erandion bularra ematen ari zen amari gertaturikoa salatzeko, gaur bertan, ostirala 12, 18:00ean Erandioko kiroldegiko sarreran, bular emate masiboan parte hartzeko deia luzatu dute. Ekintza honen bidez, 6 hilabeteko haurtxoari bularra igerileku ertzean emateagatik igerilekutik kanporatua izan zen emakumeari babesa eman eta kiroldegiko zuzendaritza eta udalaren adierazpenak salatu nahi dira.

Bular ematean aktiboki egoterik ezin dutenei, bestetik, Erandioko udala zein kiroldegiko zuzendaritzari kexa mezuak eta bularra ematen dauden emakumeen argazkiak bidaltzeko deia ere luzatu da.

Tristea da horrelako egoeren berri izatea, baina pozgarria guztiz, Euskal Herrian ere honelako debeku eta trabei erantzuna ematen hasi zaiela ikustea. Ea nola joaten den, ea prentsak kontatzen duen…

Publizitatearen gezurrak eta ondorioak

2013-07-10  //  Berriak, Edoskitze artifiziala  //  Iruzkinik ez

Espainiako Pediatria Elkarteko Edoskitzerako Komisiaren %60ak dimisioa eman du berriki  Elkarteak babesten zuen iragarki baten ondorioz. Bertan, formulako esnea sabeleko infekzioetarako hobea dela adierazi eta zesareak banalizatzen direlako.

(gehiago…)