Aste ekologikoa (I): Adurtzako aste agroekologikoa eta Bionekaraba

2013-09-30  //  Agenda, Agroekologia, Gaurkotasuna  //  Iruzkinik ez

Kultura ekologikoaren inguruko agenda ekitaldiz beteta izango dugu aste honetan. Bionekazaritzak (Arabako nekazaritza eta abeltzaintza ekologikoaren elkartea), Gasteizen urtero antolatzen duen duen Bionekaraba nekazaritza ekologikoaren azoka larunbatean ospatuko dela aprobetxatuz, Adurtzako Aste Agroekologikoa garatuko du bihartik osteguna arte auzo-elkartearekin batera. Nekazaritzaz haratago, kultura ekologikoaren inguruko Biocultura azokaren trena Bilbon geldituko da lehenbiziko aldiz, Valentzia eta Bartzelonatik igaro ondoren, Madrileruntz jarraitu baino lehen.

(gehiago…)

Salburuako BJ Radio Euskadin

2013-09-24  //  Auzolana, Gaurkotasuna, Permakultura  //  2 iruzkin

Joan den astean Salburuako Baso Jangarriari buruzko aurkezpentxo bat idatzi nuen. Atzo, Radio Euskadin egon ziren horren arduradunak, eta eurek baso jangarriaren kontu hau zertaz doan nik baino askoz hobeto azal dezaketenez, jarraian utziko dizuet elkarrizketa horren ahots-tartea (gazteleraz).

(gehiago…)

Salburuako Baso Jangarria

2013-09-19  //  Auzolana, Elikadura burujabetza, Permakultura  //  Iruzkinik ez

Salburuako Baso Jangarria bultzatzen ari den taldea lursailak aztertzen. / bcsalburua.wordpress.com

Auzolana Euskal imajinarioan nahiko errotuta dagoen kontzeptua da. Ez dagokit niri auzolanei buruz era orokor batean hitz egitea, baina, krisia dela, hezkuntza dela, militantzia dela edo agian guzti horren eta gehiagoren konbergentzia dela eta, azken garai honetan proiektu asko ari dira zabaltzen.

Konbergentzia horretan, nekazaritza ekologikoa, elikadura burujabetasuna eta permakultura bezalako kontzeptuen gorakada ulertzea ezinbestekoa da. Proiektu ugari eman dira ezagutzera azken urteetan, nekazal lurrak mantendu, berreskuratu edo, besterik gabe, lurra lantzen hasi nahi duen jendeak abiatuta.

Gaur horietako proiektu bat dakarkizuet: Gasteizko Salburua auzo berrian Baso Jangarri bat sortu nahi duena. Orain hain modan dauden hiri-baratzen indibidualtasunarekin alderatuz, baso jangarriaren kolektibitate eta elkartasuna azpimarratzen du talde ekintzaileak.

Urte honetako ekainean, Burdinbide auzo elkarteak bilera antolatu zuen, proiektua sustatu zuen Kiribilore Permakultura Elkartearekin batera. Uztailean beste topaketa bat antolatu zen aurrera jarraitzeko interesa zuen jendeak eskuragarri dauden hiru lursail azter zezan. Hil honen hasieran, elkarte moduan antolatzeko behin betiko erabakia hartu eta lan taldeak finkatu zituzten.

Proiektuak lehen urratsak ematen ari da, eta interesgarria litzateke horren gazte den auzoaren heltzean zer esanik izango balu.

Honen parte izan nahi izanez gero, informazio gehiago lor dezakezue honako helbide honetan: bcsalburua@gmail.com

Hala ere, proiektua hurbilagotik ezagutzeko aukera izango duzue larunbat honetan, auzoko jaiak aprobetxatuz, hazi bonben tailerra antolatu baitute Salburuan.

Baso honen istorioa jarraituko dugu hurbiletik.

Erdipurdiko uzta Araban

2013-09-07  //  Gaurkotasuna  //  Iruzkin bat

A maitu berri da Araban zerealen uzta, probintziako laborantzarik garrantzitsuena, eta Euskadiko Nekazari Kooperatiben Federazioak komunikatu batean erdipurdikotzat jo du, bai kalitatean, bai kantitatean.

Aurtengo euri ugariak eta sasoiz kanpoko hotzak lana garaiz egitea oztopatu dute, alde batetik, eta, bestetik, putzuen eratzea, belar txarren hazkuntza eta bestelako arazoak ekarri dituzte. Gainera, azkenaldiko ekaitz eta kazkabarrak ez dute batere lagundu. Hori dela eta, azken urteetako zenbateko bikainak nabarmen gutxitu dira. Gariak batezteko 6.000 kg/ha-ko etekina izatetik 5.000 kg/ha izatera pasa da; eta garagarrak, 5.500 kg/ha-tik 4.500 kg/ha-tara. Zenbakiak bereziki deigarriak dira iazkoekin alderatzen baditugu: 7.000 kg/ha garian, eta 6.000 kg/ha garagarran.

(gehiago…)

Geu gara McDonald’s

2013-08-21  //  Elikagaien segurtasuna  //  2 iruzkin

Azkeneko asteetan Mcdonald’s-ekin loturiko informazio bat dabil hortik bueltaka, batez ere gizarte-sareetan. Haren arabera, janari lasterreko konpainiak bere hanburgesen errezeta aldatu behar izan du Jamie Oliver sukaldari britaniarraren salaketa jaso ostean. Honek konpainia amerikarraren jatetxetan saltzen den haragia jangaitza dela frogatu omen zuen, amonio hidroxidoarekin tratatzen dela argudiatuz.

(gehiago…)

Begi bat industrian, bestea baratzean

2013-07-29  //  Sailkatugabeak  //  2 iruzkin

Jaten duguna garela esan ohi da. Jaten duguna nola lortzen dugun ere garenari buruz asko adierazten duela esango nuke nik. Baita kontsumitzen dugunaz dakigunak ere. Arrautzak supermerkatutik datozela uste duten haurrak dituen gizarteak lotura galdu du bere jatorriarekin, bere ezaugarririk esanguratsuenarekin.

Gure elikaduraren oinarriaren kontrolak (nekazaritza eta abeltzaintzaren garapena, alegia) aldaketa sakona suposatu zuen gizakiaren bizimoduan eta zibilizazioen abiapuntua izan zen. Gaur egun, ordea, zer dakigu honi buruz?

(gehiago…)