Goiko bideo hori momentu historiko batek utzi zuen lekukotza bakanetako bat da: Open Culture webguneak dioena egia bada, Kraftwerk taldearen lehenbiziko kontzertuaren grabazioa ikus dezakezue osorik.
Ikaratuta nago film hauek zer izan daitezkeen pentsatze hutsarekin: 26 zuzendari eta 26 labur, euskal alfabetoko letrak bezainbeste. Gure genero-zinema zorioneko dago, pantailetara iritsi berri baita Euskal Harriaren ABDak proiektuaren trailerra.
Maiatzaren lehenean jakin dugu, Luistxo Fernandezen txio baten bidez, Grooveshark webgunea itxi dutela.
Asteazken goizean iragarri dute Donostia 2016ren barruan antolatu den Musicbox festibalaren egitaraua: Devendra Banhart bertan izago dela ikusteak arreta deitzen du.
Zure eskubideen alde irmo agertzea baino gauza indartsuagorik ez dagoela: segundo gutxi batzuk eta keinu bat, prentsaurrekoa uztea, nahiko izan ditu Eibar taldeko entrenatzaileak euskara “erakargarriaren” inguruan azken urteotan eraiki den diskurtsoa hankaz gora jartzeko. Badakizue zertaz ari naizen. “Ez […]
Azaroaren 1ean estreinatuko dute Luhusoko Harri Xurin Dejabu taldearen antzezlan berria, Arrastoak, eta azken urteetan eurek bakarrik (Gure bide galduak) edo Le Petit Théâtre du Pain eta Artedramarekin elkarlanean (Hamlet, Errautsak) taularatu dituztenak kontuan izanda, merezi du arreta jartzea.
2014ko Nobel Saria Patrick Modianorentzat izango dela jakin eta biharamunean, haren obretako bat, Udaberri alua, frantsesetik euskarara itzuli duen Pello Lizarralderekin hitz egin du Natxo Velezek EITBren webgunean (euskaraz dagoen beste liburua Villa triste da eta Joseba Urteagak egin zuen itzulpena).
Bazebilen zurrumurrua eta azkenik baieztatu da: Twin peaks kultuzko telesailaren kapitulu berriak ikusi ahalko ditugu 2016an.
Gainontzeko liburu dendetan berdina gertatzen ote den ez dakit: arreta deitu zidan Iruñeko Katakraken izan nintzen lehenbiziko aldian, musikari buruzko zenbat liburu zegoen eta horietako asko zein berriak diren ikusteak.
Deituidazue nostalgiko, berdin zait: norbaitek 1980-90eko hamarkadako maketa pila bat sarera igotzeko lana hartzen duenean, ia hunkitu egiten naiz.
Paradoxikoa denik ez didazue ukatuko: urteetan zakurdantzara animatzen gintuzten musikak baztertu eta 1980ko hamarkadako errepertorioari kasik katxi lerdeztatuari bezain tinko eutsi diogunok reggaetoiaren onurak baloratzen hasi garenean, jatorri latinoamerikarreko musikariak etorri zaizkigu esatera euskal rock erradikala dutela inspirazio iturri.
Joan den astean hil zen Pete Seeger abeslari estatubatuarraren 13 kanta euskarara itzuli ditu Josu Landak eta Armiarma.com atariko “Euskarari ekarriak” atalean jarri. Itzulpen bakoitzak kanta entzuteko aukera ere eskaintzen du.
Ikusmina sortu duela zalantzarik ez. Kashbaden itzulerari buruz oraindik gauza askorik aurreratzerik ez dago ordea… taldekideei galdetuta behintzat. Informazio pilula txiki bat aurkitu dugu Bonberenea Sutan Facebook orrian: diskoa maiatzean argitaratuko dela eta Bonbereneak berak publikatuko duela.
Pablo Malok ezingo du Donostiako La Cumbre jauregian grabatu, Lasa eta Zabala torturatu zituzten lekuan, bahiketari buruz egingo duen filmerako. Gaur jakin dugu Espainiako Gobernuaren Gipuzkoako azpiordezkaritzak ez duela baimenik eman. Albiste berak dioenez, garagardo marka batek Malori eskatu dio bere […]
Eztabaida polita sortu da Eusko Jaurlaritzak Fitur azokara eraman duen proposamenaren harira. Igotz Ziarretarena da goian ikusten duzuen irudia, Nazioarteko Turismo Ferian EAEko Gobernuaren pabilioian ikusi ahalko dena. Polemikatxoaren tantak jarraian.
“Irudi hori buruan geratu zitzaidan: “Gazte naiz: / iretargia harrika hautsi dut”. 16 urte nituen eta irudi potentea iruditu zitzaidan. Ahaztutako liburua da [Ibon] Sarasolaren Poemagintza, oso liburu ederra; merezi luke berrargitalpena sarreratxo batekin”. Koldo Izagirreri Parisen bizi naizen harira egindako […]
