Lagun batek harrapatzen dituen eraikin kalamastra guztiak erretratatzen ditu bidaiatzen duenean eta, behin baino gehiagotan oporrak elkarrekin egin baititugu, bueltako albumean eliza erromanikoen eta etxe-orratz enblematikoen aurrean irribarre ergelez ateratzen naizen argazkien artean, apokalipsi nuklearraren ostean atereak diruditen irudiak tartekatzen […]
Irungo Moskuko jaiek programazio musikal berezia izaten dute eta aurtengoa ez da salbuespena izan. Matxura, Capsula, Mushroom Caffeine, Las Culebras, Joseba Irazoki, Ziribulio Sound System, Ainara Legardon, Estornudo Nuklear… kartel paregabea.
2012ko kontzertu goratuenetakoa izan da, inguruko musikazaleen artean behintzat, iazko urrian Donostiako Gazteszenan Ty Segallek eskaini zuena. Bada, kontzertu hartan egon zirenek eta egon nahi izan zutenek (ai!) zorioneko astelehena dute, Segallen disko berria entzuteko moduan baitaude.
Pixkanaka ezagutzen ari gara Bide Ertzean taldearen disko berriari buruzko xehetasun gehiago. Hiruko formaziora itzuliko direla aurreratu zuten duela zenbait hilabete eta atzo diskoaren tematikaz idatzi zuten Toxic Twins blogean: Trantsizio garaian kokatutako kantak izango dira eta taldekideen historia familiarrak […]
28 urte daramatza hilda Orson Wellesek baina horrek ez dio galaraziko datorren urrian film berri bat estreinatzea. Too much Johnson izeneko film bat aurkitu dute, Wellesek Citizen Kane baino hiru urte lehenago grabatutakoa eta denek, baita zuzendariak ere, galdutzat ematen […]
Simon Reynolds musika kritikariari irakurri diogu duela gutxi, kontzertuetako tentsioa asko apaldu dela bere inguruan. Horren zioen bila, nabarmentzen du zuzenekoak jada ez direla jendearentzat bere burua husteko balbulak; kontzertuek galdu egin dutela iraganeko gaitasuna inpultsu antisozialak ateratzeko (gogorarazten du […]
Lou Topet talde zarauztarrak urrian argitaratuko duen diskoa aurre-estreinatu zuen atzo Donostiako Altxerri tabernan.
Iheskor fama zuen JD Salinger idazle estatubatuarrak, bere bizimodu pribatua ezkutatzeko lan handiak hartu behar izan zituen, eta horrexegatik sortu du beharbada hainbesteko ikusmina berari buruz Shane Salernok egin duen dokumentalak.
Itziar Nogeras izango da Donostia 2016 Fundazioaren zuzendari berria, polemikaz betetako prozesuaren ostean.
“Euskaratutako literaturaren harreraz zenbait gogoeta” izenburupean bildu ziren atzo Isabel Etxeberriak gidatutako mahaira Mikel Ayerbe, Xabier Olarra eta Iban Zaldua, EHUren Udako Ikastaroetan.
Nafarroako Gobernuak lege aurreproiektua onartu du mezenasgo kulturala bultzatzeko. Besteak beste, ekintza kulturalak diruztatzen dituzten pertsona fisikoen errenta aitorpenean %50eraino irits daitezkeen kenketak ezartzen ditu; enpresen kasuan, sozietate zerga %30 gutxitzea.
Batzar tirabiratsua izan zuten duela aste eta erdi egile eskubideen kudeaketa monopolizatzen duen Espainiako elkartean eta ondorioak berehala etorri dira: Anton Reixa galiziarra SGAEko presidente kargutik kentzea erabaki du elkarteko zuzendaritzak.
Joan den astean aipatu genuen Ekaitzaldi saretik desagertu zela. San Fermin bezperatik bloga berriz bisitatzeko moduan dago eta behean irakur dezakezuen mezua argitaratu dute:
Badira hiru egun gutxienez albistea zirkulatzen dabilela: Ekaitzaldi bloga itxita dago. Euskal Herriko musikarien diskoak doan deskargatzeko loturak eskaintzen zituen eta sekulako artxiboa osatu du azken urteetan, atari undergrounda eta ez-dakit-erabat-legezkoa izan arren, musikazale askoren erreferente bihurtzeraino.
Elkarrizketa polita egin diote Koldo Almandozi Zart! webgune kulturalean eta, bideoari CC-by lizentzia jarri diotenez, txoko honetara ekartzeko aukera ezin hobea eman digute.
Imanolen Forjarien kantara iritsi nintzen aurrekoan ustekabeko lotura baten bidez eta sentsazio arraro batek hartu ninduen, gustatu egin zitzaidalako. Azalpen laburra: txikitan antiguotarraren kanta asko entzundakoa naiz, gurasoek atsegin zuten. Transmisio-paradigman sinesten dutenak harrituko dira agian, baina horrek ez nau […]
