Haurren soldata, noizko?

Atalak: bAst

 

Haurrek eta gaztetxoek badituzte gastuak, badute gastabiderik bai, baina nekez irabazpiderik.

Hamaika urtetik aurrerako ume guztiek behar lukete soldata txiki bat irabazi.

Eta horretarako lantxo bat egin eta lanbide bat dastatu.

Nekazaritzan bezala arrantzan, edo industrian, edo farmazian, edo liburutegian, edo zapata-dendan, edo erizaintzan, edo pizzak bizikletaz eramaten. Pizzak eta bestelako erosketak. Eta abar.

Eskolako kalifikapenak jasotzearekin batera, nomina, 35 euroko soldatarekin. Zergatik ez dute jaso behar?

Horrek lanak antolatzea eskatzen du, baina zertarako daude herrietako saltoki, lantokiak? Irakasleak eta gurasoak? Eta agintariak?

Lanbideak ezagutzeko, lanbideak dastatu behar dira, ofizio-proba beharrezkoa da.

Nola jakin, bestela, egokiagoa zaigula salmenta, eritzaintza baino? Edo arrantza, industria baino?

Aritzea bezalakorik ez da, lan hori zer-nolakoa den jakiteko.

Haurren eta gaztetxoen eta gazteen lanbideratzeaz hausnar egin behar genuke.

Ondo egon.