Isiltasunaren musika

Atalak: bAst

Bakearen Nobel sarirako izendatua, Thich Nhat Hanh maisu budista munduko lider espiritual ospetsuenetako bat da. Egileak isiltasunaren boterea aztertzen du eta aholku praktikoak ematen dizkigu, horren bidez zoriontasuna, bakea eta gure bizi-helburua aurkitzen laguntzeko. Hausnarketa sakonak eta ariketa erraz, erabilgarri eta zehatzak uztartzen dituen obra.
Thich Nhat Hanh lider espiritualak erakusten digu isiltasuna, zer sinple hori, ezagutza- eta harmonia-tresna boteretsu bihur daitekeela. Inoiz itzaltzen ez den irrati bat bezala, gure pentsamendua beti hor dago, iraganeko gertaerak birbizitzen edo etorkizunarekiko antsietatea eta beldurra zabaltzen. Baina adimena isildu egin daiteke. Eta, hori egiten duenean, geure barruko ahotsa entzuten hasten gara.

https://youtu.be/gjsDHVDiomQ [Trinh Cong Son-en musika entzuteko]

 

Trinh Cong Son kantautorea

 

Isiltasunaren musika
Musikan «etenaldi» uneak daude. Espazio horiek hor ez baleude, hondamendia izango litzateke. Isiltasun une horiek ez baleude, musika kaotikoa eta zapaltzailea izango litzateke. Lagun batekin isilik esertzen garenean ezer esan gabe, une horiek musikak behar duen notarik eza bezain baliotsuak eta garrantzitsuak dira. Lagunen arteko isiltasuna hitz egitea baino hobea da. Trinh Cong Son 1939an jaio zen mundu guztiak asko maite zuen kantautorea izan zen. “Vietnamgo Bob Dylan” deitzen zioten. Esaten denez, 2001ean hil zenean, milaka pertsona joan ziren bere hiletan izan zen bat-bateko kontzertura. Vietnamgo historiako hiletarik jendetsuena izan zen, Ho Chi Minhen hileta-prozesioaren ondoren. Trinh Cong Son, zaratak ahitu egiten zuen, baita txaloenak ere. Maite zituen une isilak. Idatzi zuen: «Baditut lagun batzuk, eta haien presentzia etenaldi musikalena bezalakoa da. Sosegu, askatasun eta zorion sentsazioa sortzen didate. Haiekin ez dut hutsalkeriez hitz egin beharrik. Haien ondoan egonda, ni neu ere gustura sentitzen naiz». Trinh Cong Son gozatzen ari zen une haietaz, non, lagun batekin eserita ezer egin edo esan beharrik gabe, adiskidetasunaren berotasuna sentitzen baitzuen. Denok behar dugu honelako adiskidetasuna. Plum Villagen asko gustatzen zaigu eserita hausnartzea, batez ere komunitate gisa, familia espiritual gisa. Eserita hausnartzen ari garen bitartean, ez dugu hitz egiten, eta, hala ere, parte-hartzaile askok sentitzen dute hiruzpalau pertsonarekin eserita hausnartzea, bakarrik egitea baino pozgarriagoa dela. Elkarrekin lasai eserita, horrela, besteen presentziak sostengaturik. Abesti klasikoak, antzinako vietnamdar musika tradizionalaren lauteaz lagundurik, lautea jotzeari bat-batean uzten dion emakume baten istorioa kontatzen du. Abestiak dio: «Thu thoi vo thanh thang huu thanh». Thui thoi hitzak «une honetan» esan nahi du. Vo thanhek «soinurik gabea» esan nahi du. Thang hitzak «gailentzea» esan nahi du, eta huu thanh hitzak, «Soinuaren presentzia». Abestiak dio une horretan lautea «soinurik gabea soinuaren gainetik gailentzen da» edo «soinuak isiltasunera darama» entzuteari uzten dionean. Noten arteko tarte hori oso ahaltsua da, oso ahaltsua, eta oso esanguratsua. Edozein soinu baino adierazgarriagoa da. Soinurik gabea soinua baino atseginagoa, sakonagoa izan daiteke. Trinh Cong Son-ek ere gauza bera uste zuen. Nire ikasle estatubatuar batek esan zidan David Sanborn saxofoi jotzaile amerikarrak ere antzeko komentario bat egin zuela elkarrizketa batean. Hank Crawford saxofoi-jotzaileaz eta Miles Davis tronpetista-konpositore ospetsuaz ari zela, honako hau esan zuen: [Hank-ek] badaki, espazio hutsak, interpretatzen duen musika bezain garrantzitsuak direla. Eta Miles Davis jotzen entzuten dudanean, liluratu egiten nau haren sinpletasunak eta bete gabeko espazioen erabilerak».

Hezitzaile zoriontsuek mundua alda dezakete

Nork esan du meditazioa eserita egotea dela? Gogoeta egitea, halaber, jaikitzea da,  sentipenak arakatzea eta  gorputzean eroso sentitzea. Mugitu egin behar dugu!
Thich Nhat Hanhek hamar ariketa proposatzen ditu, gaitasunak probatzeko, nagiak ateratzeko, orekan egoteko, arnasa sasoian dagoen gorputz batentzat eta mugimendu bakoitzari adi dagoen izpiritu jakinguratsu batentzat. Izan ere, presenteko unea bizi eta bakea egiten denean, errazagoa da inguratzen gaituen munduarekin bakean egotea.

Hank Crawford

https://youtu.be/5wjFBBjqSOw [Hank Crawford-en musika entzuteko]

 

Miles Davis

https://youtu.be/zqNTltOGh5c [Miles Davis-en musika entzuteko]