Ida Vitale

Atalak: bAst, Juan Luis Aizpuru Beristain

 

1.

Kilkerrak engainurik gabe

perfumeak sartzen bere orratzean,

gauez ditu altxatzen.

 

2.

Laino-lastaira batetik

katu zuri batek jauzi

zuhaitz baten adarretara:

Ilargi lagunkoi.

 

Behelainoan zehar

pasatzen da deitu bat

ez dena hegal urrekaraz betetzen

eta ez dutena

hitz zehazgabeek asetzen.

 

4.

Zuhaitzak ez du askatzen

hosto bat gustuz.

Badaki beragandik urrun

hosto lehor bertzerik ez dela izanen.

 

Hirietan,

oilarrak zarpail heltzen dira.

 

6.

Barraskiloek

larre gainean brodatzen dute

beren luxu-nahia.

 

Ez dute txoriek arnasten:

haien kantutik arnasten du munduak.

 

8.

Eta ez du kantatzen jasminak;

haren usain gozoa eresia da

airerantz joan doana.

 

9.

Hiltzen da heriotza:

Astearen burua

joan-etorria eten da.

 

10. Destinu posible bat:

joatea, sobratuz.

Ezerezetik ezerezera.

 

 

Vestigios (mínimas de aguanieve)             

 Infinitu hitza

 

Infinitu hitza infinitua da,

misterio hitza misteriotsua da.

Biak dira infinituak, misteriotsuak.

Silabaz silaba saiatzen zara haiek deitzen

argi batek haien nagusitasuna iragar dezan gabe,

itzal batek adieraz dezan gabe haietatik zer distantziatara

dagoen zu zauden lausoa.

Distiraren punturen batera doaz eta habia egiten dute,

libre uzten dituzunean airean

itxaroz hegal esplikaezin batek

haren hegaldiraino eraman zaitzan.

 

Duen zaporea baino gehiago al da bizitzaren gustua?

 

Liturgia errepikatua

Hiri guztietan zehar doa gudulari

doluaren kale ezaguna

zeinaren kolorea -kaioak, beleak-

barrutik kanpora isurtzen baita, zuri, beltz.

 

Ahotsak entzun litezke musikak

baina gehiago dezake indar beltzak, zuriak,

zuhaitz erreen kalbario batekin,

seinalean esperantza posiblea ezabatu.

 

 

Procura de lo imposible (Tropelía)

  

Aukeratu egiten da

 

Sarraskitua, odolustua,

amets hainbat puskatan

ebakia, nahi dut,

halere,

bizirik egoteko era hau

eta ez bertze bat;

hiltzeko era hau

eta ez bertze bat;

izu-ikara hau

eta ez gehiago

ohiko loarina.

Norberaren itzal bezala

edo poxpolo sutu bortitz bezala.

Ez dago bertze aukerarik,

ez bertze ezaugarririk.

Ez bertze heriotzarik.

Ez bizitza handiagorik.

 

Oidor andante (Razón suficiente)

 

Bertze batzuen intimitatearekin bat egiten duen intimitatea da poesia.

katua                                                                  Argazkilaria: Juan Luis Aizpuru Beristain