Patriarkatuan hezitako gizon belaunaldiez, Odriozola antropologoa

Atalak: Gizartea

Xabier Odriozola antropologoa, irakaslea eta psikoterapeuta da. Argazkia: Metaziri Ekoizpenak.

Xabier Odriozolak Gizonezkoen sexismoa, maskulinotasuna eta askapena: berdintasunerantz liburua argitaratu berri du. Gizon taldeen bizipenetatik ateratako ondorioak baliatu ditu gogoeta egiteko.

Liburuak gizonek haien artean sortzen duten indarkeria eta, batez ere, emakumeekikoa murrizteko tresna eraginkorra izan nahi du.

Liburuaren sarrerak honela dio: “Ideia batzuk landu dira azken hogeita bost urtean harremanean egon garen Ameriketako toki aunitzetako (Ipar Amerika, Erdialdeko Amerika eta Hego Amerika), Kanadako, Europako Estatu askotako, eta Ekialdeko herrialde zenbaitetako (Australia barne) gizon tal­deetan sorturiko pentsamendu eta praktiketatik, non taldeok euskarri baliagarria suertatu zaizkigun gizonezkooi buruzko ezagutza eta gorputz teorikoa eta praktikoa garatzen joateko, gizonezkook zein emakumezkoek pairatzen dugun sexismoaz, gure menderakuntza maskulinoaz, genero zapalketaz, hala nola maskulinotasunaren eta askapenaren inguruan”.

Informazio gehiago nahi izanez gero:

Martxoko Larrun hilabetekaria (Gizonak eta feminismoa. Botereari uko egiteko ordua) irakur dezakezu.

Hamaika Telebistako Idemtitateak programan, Gizonak gizon eredu tradizionaletik ihesi saioan jardun du Odriozolak.