Osakidetzari eskaera (III): Ekografiak euskaraz

Atalak: Euskara

Odol analisiak, historia klinikoa, medikua bera… gaztelaniaz. “Bihar kexa jarriko dut!” esan eta gero ezer egiten ez duen horietakoa al zara? Formula erraza prestatu dugu Elebidera hainbat eskaera bideratzeko. Zoritxarrez modu askotako kexak eta eskaerak egin diezazkiokegu Osakidetzari, hizkuntza eskubideak errespetatzen ez dituelako. Ondoren, ekografiak euskaraz eskatzeko eman beharreko hiru pauso errazak azaltzen dizkizugu:

1 . Sartu Elebiden. “Intzidentzia mota”n aukeratu “Eskaera”. Bete gainerako datuak.

2 . “Hurrengoa” zanpatu eta “Intzidentziaren datuak” eremuan ITSATSI ondoko testua:

(IZEN-ABIZENAK) naiz, eta (HERRIA) bizi naiz. Jakin izan dudanez, Debagoieneko ESIan jadanik ekografien txostenak euskaraz edo ele bitan eskaintzen dira. Erabiltzaile guztiok eskubide berberak dauzkagu, ezin da diskriminaziorik onartu, eta horregatik aurkezten dut nire kexa. Ekografien txostenak ele bitan egon behar dira zerbitzu-unitate guztietan, Euskal Autonomia Erkidego osoan. Hortaz, aurrerantzean, Osakidetzak eskaini beharko ditu paziente guztien ekografien txostenak ele bitan, aldez edo moldez, eta hori eskatzen dut. Egunen batean ekografia bat egin behar badidate, ekografia horren txostena euskaraz jasotzea eskatzen dut.

3 . “Amaitu”ri eman eta kito.