Irrati esatariari: “Ez dut gustuko zuk niri galegoz egitea”

Atalak: Hizkuntzak

Radio Galegan elkarrizketa egin behar zioten pop espainiarrean ezaguna den Julián Ruiz kazetari murtziarrari. Ez zaio lehen galdera gustatu eta hala erantzun dio esatariari: “Ez dut gustuko zuk niri galegoz egitea”.

Nonbait liburua kaleratu du musika kazetari eta ekoizleak eta Radio Galega irratian liburuaz hitz egin behar zuen. Esatariak ordea, Axl Rose musikaria AC / DC taldeko abeslari izateaz zein iritzi duen galdetzen dio. Ez zaio gustatu galdera, horretaz ez duela hitz egin nahi esaten dio kazetariari, liburuaz hitz egiteko asmoa duela. Kazetaria tematu egiten da galderarekin eta azkenean horixe dio musika ekoizleak: “Ez dut gustuko zuk niri galegoz egitea eta elkarrizketa bertan behera utziko dut”, eta moztu egiten du. Esatariak ontzat hartzen du elkarrizketa moztea, ekoizlea umore txarrez dagoela dio. Eta antenan aitortzen du lehenengo aldia dela galegoz egiteagatik norbait haserretzen dela, hizkuntza aldatzeko arazorik ez dutela izaten, esanez gero ez dutela galegoa ulertzen gaztelaniaz egiten dutela.