Elebakarrei mimikaz komunikatzeko trebezia %136 handitzen zaie

Atalak: Hizkuntzak

Galesi buruz umorez aritzeko twitter kontuan (Welsh Bollocks) aurkitu dugu esaldia. Hizkuntza bakarra jakiteak dituen “onurak” deskribatu dituzte.

1) The benefits of Monolingualism – a short guide.

— Welsh Bollocks (@welshbollocks) 2017(e)ko abuztuak 27

Hona “Elebakartasunaren onurak (gida motz bat)” txio sorta euskarara ekarrita:

• Bikain asko komunikatuko zara zuk aukeratu duzun hizkuntza hitz egiten duen jendearekin.
• Atzerrira zoazenean o…..so……ma……kal…. eta oso OZEN hitz egiteko trebetasuna garatuko duzu.
• Beste hizkuntzarik ikasi ez duzulako, buruan hutsik daukazun espazioa biziki gauza baliagarrietarako erabil dezakezu:
• Paranoia, gogoeta inperialistak, aljebra aurreratua eta paranoia…
• Elebakar izanda, mimika bidez komunikatzeko trebezia %136 handituko zaizu.
• Errepideko seinaleetan ikurrak baino ez ulertuta abantaila duzu; elebidunak izanda, seinaleetako ikurrak eta hitzak irakurtzen dituztenekin alderatuta.
• Bi hizkuntza dakizkitenei bigarren hizkuntza alferrikakoa dutela esateko gaitasuna duzu.
• Eta esango diezu hizkuntza erabilgarriagoren bat ikasi beharko luketela, adibidez zeuk oraindik ikasi ez duzun hizkuntza hori.
• Lehenago hiltzen bazara, beste hizkuntzekin harreman gutxiago izango duzu, Jainkoak barkatuko zaitu.
• Pub, denda edo kafetegi batean zein hizkuntza hitz egiten ari diren entzungo duzu barrura sartu baino lehen, adreiluzko hormak zeharkatuz.
• Zuk ezagutzen duzu norbait zeinak lehen eskutik bizi izan duen nola elebidunek haien hizkuntza gustukoena modu engainagarrian erabiltzen duten.
• Elebidun horien asmo bakarra zutaz hitz egitea da, hizkuntza ez darabilte komunikatzeko, umeekin hitz egiteko eta abar, zuk zure hizkuntzarekin egiten duzun moduan.