Gazteek maitasun erromantikoan sinesten jarraitzen dute
Gazteen %13,7k baino ez du uste zoriontsu izan daitekeenik bikote harremanik izan gabe.
Datu berriek sinesmen zaharrak dakartzate. Granadako Unibertsitateak egin du ikerketa. Gazteen %70ak erantzun du maitasuna itsua dela.
“Maitasuna itsua da”, “laranja erdi bat baino ez dago niretzako”, “maitasunak dena gainditzen du”. Hiru esan horiekin ados dago inkestan parte hartutako gazteen %70. Zaharrak berri, alegia.
Ikerketa otsailaren 12an aurkeztu zuten. Granadako Unibertsitatean (Espainiar Estatua) egin dute Psikologia eta Hezkuntza Zientzien fakultateek eta ondorioztatu dute gaurko gazteek ere (18 eta 35 urte artekoak elkarrizketatu dituzte) maitasun erromantikoa oso barneratuta dutela.
Beste datu bat: gazte horien %13,7k baino ez du uste zoriontsu izan daitekeenik bikote harremanik izan gabe. % 86,3k uste du ezin dela zoriontsu izan bikotekiderik gabe.
José Miguel García Ramírez ikerketa egin duen irakasleak adierazi duenez, “mito horiek emakumeengan finkatzen dira eta era berean gizonengan sustatu. Mito horietako batzuk barneratzeak genero bortizkeriara eraman gaitzake”.
Ez al da akatsik azken-aurreko lerroaldean? Ageri diren zenbakien arabera, gazteen %100k uste du ez dela zoriontasunik bikotekiderik gabe.
Orokorrean ordea, ez zait iruditzen harritzekorik denik, nire ustez epe luze-luzera azaltzen hasiko dira aldaketak gai ikaragarri sakona, konplexua bezain korapiltsua baita. Ildo beretik ere, zenbat eta ikasgai gehiago aintzat hartu, hainbat hobeto (kasu honetan esaterako, psikologiaz edo giza zientziez bestelakoak).
Interesgarria litzateke bertze Europako/munduko herrialdeetako emaitzak eta balizko eraldaketak ezagutzea horren inguruan.
Kaixo Evaristo
Ez dut gaizki idatzi, ezta? %13,7k uste du zoriontsu izan daitekeela bikote harremanik gabe.
Ez dira harritzeko datuak, halako emaitzak inkesta askotan ikusi ditugu. Hala ere, gazteak helduen tankera berean aritzea kezkatzekoa da. Bai, aldaketak epe luzerakoa izan beharko du.
Kaixo Onintza,
Niri bederen askoz argiago zait azkenean erran duzun eran ☺️
Ez naiz horren inguruan inolako aditurik ere baina psikologia ebolutiboaren ekarpena baliagarria litzateke gizakiaren ehun mila urteko historian erabat errotua den fenomeno hau hobeki ulertzeko.
Ongi izan.