Hilzorian dauden hizkuntzak salbatzeak merezi al du?

2010-10-06  //  Hizkuntzak  //  Iruzkinik ez

BBC News-en aurkitu dut erreportajea. Erresuma Batuan hizkuntza adituak galbidean diren hizkuntzak salbatu behar diren ala ez hausnartzen ari dira. Merezi al du ehun lagunek hitz egiten duten hizkuntza babesteko diru kopuru erraldoiak (publikoa) erabiltzeak? Horrelako galderak ageri dira artikuluan, baita erantzunak ere. Tranpa asko dagoela iruditu zait adituen argumentuetan. Artikuluari egindako erantzunak eta komentarioak ere irakurtzekoak dira. On egin.

Neurozientzia “laborategian” akuri izan naiz

2010-09-08  //  Hizkuntzak  //  Iruzkinik ez

Akuriak eskatu zituzten BCBLkoek. Basque Center on Cognition, Brain and Language Donostian dagoen ikerketa zentroa da eta hizkuntzen neurozientzia kognitiboa aztertzen dute. Hau da, burmuinean hizkuntzez nola jabetzen garen, nola ulertzen eta hitz egiten ditugun aztertu nahi dute zentro horretan. Duela hilabete batzuk eman nuen izena eta gaur deitu didate probak egiteko. (gehiago…)

Hondartzako gogoetak III

2010-07-16  //  Euskara  //  Iruzkinik ez

Zarautz.

Lankide batzuek galdetu didate (ironia handiz) ea aurten ez al ditudan hondartzako gogoetak idatzi behar. Iaz, uda ondoren, pare bat “hausnarketa soziolinguistiko” egin nituen. Aurten, lankideen “animoei” esker lehenago hastea erabaki dut. Honako hau eleaniztasunari buruzkoa da: (gehiago…)

Euskaraz, neska-lagunak hala egiten duelako?

2010-07-12  //  Euskara  //  Iruzkinik ez

Lurdes Auzmendik El Correo egunkarian (Tirakan elkarrizketa komentatua dago) esandakoa da. Gazteez ari zen eta adibide moduan jarri zuen neska-lagun euskaldunarekin hasi den mutilari erabiltzen ez zuen euskara automatikoki nola pizten zaion. Tiraka blogean martinrezolak horri heldu dio eta bere hausnarketa eta zazpi erantzunak ondo interesgarriak dira. Hizkuntza bat edo beste automatikoki aukera genezakeen, borondateak zein pisu duen, euskara hautatzeko ahalegina egin behar den, oraingo gurasoek haurrei euskara transmitituko ote dien… gogoeta polita.

Greban ere euskaraz

2010-06-29  //  Ekonomia, Euskara  //  Iruzkinik ez

Lan Mobel Azpeitian

Ez dakit larritu ala poztu egin behar dudan. Gaur Azpeitia aldean kaleko kazetari lana egitea tokatu zait. Han ibili naiz batera eta bestera itxita zein irekita dauden enpresei argazkiak ateratzen. Lan Mobel enpresako atarian kotxe asko dagoela iruditu zait eta argazki saioa egin dut.

Lasai-lasai kotxera abiatu naiz eta barruan segundo batzuk pasa ditut hainbat apunte idazten. Halako batean leihora gizon bat hurbildu dela ohartu naiz. “Ui! Ezaguna da, zestoarra. Hau ‘jefe’etako bat izango da”. “Te he visto sacando fotos…”, eta nik: “Euskaraz badakit, zestuarra naiz”. Eta berak edukazio osoz gaztelaniaz segi du, ez dut uste adarra jotzeko egin duenik euskara ez dakielako baizik. Ostras! Ez daki euskaraz! Eta nik: “Perdona, no sabía que no supieras euskera”. “Tranquila, tranquila…”. Esan diot kazetaria naizela, ARGIA astekarian egiten dudala lana eta hau eta beste, eta han joan da.

Ez naiz larritu leihora etorri zaidalako gizona, gaztelaniaz hasi delako baizik. Nik ez dakit larritu ala poztu egin behar dudan… Ferran Suay dut gogoan.

Gero eta zaharragoa da gure gizartea

2010-06-20  //  Gizartea  //  Iruzkinik ez

Maria Angeles Durán.

Ez zen nire intentzioa Udako Ikastaroetako mamiaren berri hain zati txikietan ematea, baina azken egunetan denbora txukun kudeatzen ez dut asmatu eta ez naiz aulkian eserita egon behar beste denbora.  Zeinek esan denborari buruzko jardunaldietan izan naizenik! (gehiago…)

Emakumeak lehen baino denbora gehiago al dauka orain?

2010-06-18  //  Gizartea  //  Iruzkinik ez

Maria Angeles Durán.

Kolpeka bada ere Maria Angeles Durán soziologoak esanak  jasotzen segiko dut. (gehiago…)

Gizonak goapoago hiltzen dira

2010-06-18  //  Gizartea  //  Iruzkinik ez

Maria Angeles Durán.

Ekainaren 17 eta 18an EHUko Udako Ikastaroetan izan naiz. Ikastaroaren izenburua: “Berdintasunerako garaiak? Denboraz, generoaz eta gizarte antolaketaz hausnarketak”. Maria Angeles Duránen hitzaldia bikaina izan da. (gehiago…)

Aditu katalanak hizkuntzaren egoeraz “Argia”n

2010-05-13  //  Hizkuntzak  //  Iruzkinik ez

Bernat Joan i Mari.

Dagoeneko kalean den Argian (2230. znbk.) Bernat Joan i Mari Kataluniako Hizkuntza Politikarako idazkari nagusia elkarrizketatu dugu. Legegintzaldia bukatzear dela, katalanaren egoerari eta etorkizunari errepaso ederra eman dio Esquerra Republicanako kideak. Datozen asteotan Albert Pla Avui egunkariko edizio burua eta Albert Branchadell filologoa elkarrizketatuko ditugu.

Udaltop 2010. ‘Gaztezulo’ren esperientzia

2010-04-29  //  Euskara  //  Iruzkinik ez

Alberto Irazu.

Alberto Irazuk, Gaztezulo aldizkariko zuzendari ohiak, kontatu zuen urrian hamar urte beteko dituen hilabetekariaren ibilbidea. Hasieratik utzi zuen garbi kontu bat, aldizkariaren irakurle gazteei nahi zutena emango zieten. (gehiago…)